RVTIACF Chapter-(5)

3.6K 592 14
                                    

CHAPTER-(5)
Title: ခင်ပွန်းလောင်းကအိမ်အကူရဲ့သမီးနဲ့ချစ်မိသွားတယ်။

ချူရှောင်းရဲ့နောက်ဆုံးစကားက ပိုင်လင်းကိုနှိုးဆွပေးလိုက်ပုံပင်။ သူမချူရှောင်းကိုကြည့်သည်၊ ပြီးတော့ချူတုံချီနဲ့ နောက်ဖန်ချင်းကိုကြည့်ပြန်သည်။ သူမအရာရာတိုင်းကိုရှင်းပြနေတာရပ်တန့်ပြီးအထုတ်ပြင်ရန် အခန်းဆီသို့အမြန်ပြေးတော့သည်။

ချူရှောင်းတခြားအစေခံတွေဆီ မေးပင့်ပြီးပြောလိုက်သည်။

"ကျွန်မကအန်တီပိုင်ရဲ့ စရိုက်ကိုသိပ်ယုံတာမဟုတ်ဘူး။ သူ့မအထုတ်တွေသွားကြည့်၊
ကျွန်မတို့ဘာမှမပျောက်တာ သေချာပါစေ။"

"ဟုတ်ကဲ့ပါ၊ သခင်မလေး"

အစေခံများမှာ ချူရှောင်းစကားလုံးနောက်ကွယ်ကအဓိပ္ပါယ်ကို ချက်ချင်းနားလည်သည့်အတွက် ပိုင်လင်း၏အခန်းသို့တည့်တည့်ဦးတည်ကာအထုတ်ပြင်နေသည့်သူမကို သူတို့ဂရုတစိုက်စောင့်ကြည့်နေကြသည်။ လူတိုင်းကနှစ်ပေါင်းများစွာကြာအောင်အတူလုပ်ခဲ့တာကြောင့် ဘယ်ပစ္စည်းကကိုယ်ပိုင်၊ ဘယ်ပစ္စည်းက ဗီလာကပိုင်သည်ဆိုတာကိုသူတို့ပြောနိုင်နေပြီဖြစ်သည်။

ပိုင်လင်းကချူမိသားစုမှာ နေခဲ့တာဆယ်နှစ်ကျော်ကြာပြီ။ ဒါကြောင့် သူမအသုံးပြုတဲ့ချူမိသားစုပိုင်ပစ္စည်းတွေဆိုတာလည်း အများကြီးပင်။ ဥပမာ..ချူမိသားစုမီးဖိုချောင်က ငှက်သိုက်အချို့ကို သူမယူနေကြဖြစ်သည်၊etc... သူမခိုးဖို့မရည်ရွယ်ချက်မရှိသော်လည်းချူမိသားစုပိုင်ပစ္စည်းအချို့ကိုတော့ မေ့ပြီးသုံးနေကြဖြစ်သည်။

သူမအထုတ်ပြင်နေတုန်းဒီလူတွေဆီက စိုက်ကြည့်ခံနေရသည်ကအရေမတွက်နိုင်သောအပ်ပေါင်းများစွာ သူမကိုယ်ထဲစူးဝင်နေသည့်အတိုင်းပင်။ သူမကိုစောင့်ကြည့်နေကြသောအစေခံအချို့မှာ သူမမျက်နှာရှေ့၌ပင်အတင်းတုတ်နေကြ၏။

သူတို့ပြောသည်က သူမကသူမကိုပေးထားတဲ့အရာအားလုံးအတွက်ကျေးဇူးမတင်တဲ့အပြင် အလုပ်ရှင်ရဲ့ပစ္စည်းတွေကို အသိမပေးဘဲအရှက်မရှိယူသုံးနေတဲ့ မျက်လုံးဖြူဝံပုလွေဟု(1)။ သူမကသူမသမီးကိုလက်ဖက်စိမ်းမဖြစ်အောင်ဘယ်ဆိုသင်ကြားပေးထားတယ် ဆိုတာပါသူတို့အတင်းပြောလေ၏။

အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့Where stories live. Discover now