Unicode:
အမုန်းများရဲ့ အလွန်~
🍀 အပိုင်း 6 🍀
ဒီနေ့က ပုံရိပ်တို့ 3 လပတ် စာမေးပွဲတွင်
ဖြေထားခဲ့သည့် ရမှတ်စာရင်းတွေ သိရတော့မည့် နေ့ဖြစ်သည်.....
"ငါ သင်္ချာရော physics ရော မေးခွန်းလှည့်ထားတာတွေ မဖြေနိုင်ခဲ့တော့
အဆင့် တစ်ကနေ တစ်ဆယ် အတွင်းမ၀င်ရင် ဘယ်လိုလုပ်မလဲဟင် ပုံရိပ်.... "
"နင်တစ်ယောက်ထဲ မဖြေနိုင်တာမှ
မဟုတ်တာ ၀တ်မှုန်ရယ် .... တစ်တန်းလုံး
မဖြေနိုင်တာပဲကို ....ငါဆိုလဲ အဲ့အဖြေတွေ သိဖို့နေနေသာသာ မေးခွန်းတောင်
မမြင်ဖူးဘူး ....ဆရာမကြီး အပြင်က
မေးခွန်းထည့်ထားတာပဲဖြစ်ရမယ် "
"အေးလေ ..... နင့်လို စာကျေနေတဲ့ hyper တောင် မသိတာ ငါ့ဘာငါပဲ
ဖြေသိမ့်လိုက်ပါတော့မယ်....ဒါနဲ့လေ ဟိုတစ်ယောက်ရော အဲ့၂ဘာသာ ဖြေနိုင်လား
မသိဘူးနော် "
"ဘယ်တစ်ယောက်လဲ "
၀တ်မှုန်က ပုံရိပ်တို့နှင့် မျက်စောင်းထိုးတွင်ထိုင်နေသော နေ့ရက်ဆက်ကို
မေးငေါ့ပြသည်.....
"ငါ ဘယ်သိမှာလဲ "
"သူ့ကြည့်ရတာစာလဲ မလုပ်ဘူးနော် .... အမြဲကြည့်လိုက်ရင် ဝေယံတို့နဲ့ပဲ အလေလိုက်နေတာ....ငါ့ကို ကောင်းခန့်ပြောပြတယ်သိလား...သူ့အဖေကလေ သူ့အတွက်ဆိုပြီး PS2 game စက်ကို Japan ကနေ ၀ယ်ပေးတာတဲ့ ....
အဲ့ဒီ ဂိမ်းစက်က ဒီက ဂိမ်းဆိုင်တိုင်းမှာတောင် ရှိသေးတာ မဟုတ်ဘူးတဲ့ .... ကောင်းခန့်ရောဝေယံရော ဆော့ချင်ရင်သူ့အိမ်မှာ သွားဆော့ရတာတဲ့.... ငါ့အဒေါ်ကတော့ အိမ်မှာ သူကဘယ်လောက်တော်ကြောင်းဘယ်လောက်ဥာဏ်ကောင်းကြောင်းပဲ အမြဲပြောနေတာ..... တကယ်ဆို သူ့ပုံစံက စာဂျပိုးနဲ့လဲ ဘယ်နေရာမှ
မတူဘူး "
"ဒါပေမဲ့ စာမေးပွဲဖြေတုန်းကတော့ သူဖြေနိုင်တဲ့ပုံပဲ ၀တ်မှုန်.... "
"ဟုတ်လား .... နင်ဘယ်လိုသိလဲ "
"သူနဲ့ငါနဲ့က တစ်ခန်းထဲဖြေရတာလေ "
"အေးနော်သူကကျောင်းသားသစ်ဆိုတော့
ယောကျာ်းလေးတွေထဲ ခုံနံပါတ် နောက်ဆုံးဖြစ်မှာပေါ့ ..... နင်က မိန်းကလေးတွေထဲ ခုံနံပါတ် အရှေ့ပိုင်းထဲဆိုတော့ ..... တော်တော်ဖြေနိုင်တဲ့
ပုံလား "
YOU ARE READING
🍀 အမုန်းများရဲ့ အလွန် 🍀
Romanceမာနတွေပြိုင်ကြရင်း တည်ဆောက်ဖြစ်ခဲ့တဲ့ နေ့ရက်ဆက် နဲ့ ပုံရိပ်ထင်တို့ရဲ့ အိမ်ထောင်ရေး အချစ်ဇာတ်လမ်းလေး ❤️❤️
