Unicode:
အမုန်းများရဲ့ အလွန်~
🍀 အပိုင်း 14 🍀
ရေမိုးချိုးပြင်ဆင်ပြီးသည်နှင့် ပုံရိပ်တို့
၂ယောက် ဘုရားရင်ပြင်တော်ပေါ်တက်
ကာ ဘုရားအရင် ကန်တော့ပြီးမှ စားသောက်ဆိုင်တန်းဘက်သို့သွားကာ
နေ့လယ်စာ စားကြသည် ......
ပုံရိပ်က ဟင်းတစ်တုံးခပ်ပြီး နေ့ရက်ပန်းကန်ထဲ အရင်ဦးချလိုက် နေ့ရက်က
ပုံရိပ်ပန်းကန်ထဲ ဟင်းလေးတွေ ထည့်ပေးလိုက်နဲ့ ၂ယောက်သားရဲ့ အချိန်လေးတွေဟာ ကြည်နူးဖွယ်အတိပင် ....
နေ့လယ်စာ စားပြီးသည့်အခါ ပုံရိပ်က
အရင် ....
"နေ့ရက် "
"ဟင် .... "
"ငါတို့လေ ကျီးကန်းပါးစပ်ဆီသွားရအောင်လား .... "
"အခုမှ ခရီးရောက်စပဲ ရှိသေးတယ်လေ ထင် ရဲ့ .... ကျီးကန်းပါးစပ်ဆီသွားရင် နင် ပင်ပန်းသွားလိမ့်မယ် မနက်ဖြန်မှ အေးဆေးသွားကြမယ်လေ "
သွားချင်သည့်ဆီ ချက်ချင်းမသွားရ၍ နှုတ်ခမ်းဆူသွားသည့် ပုံရိပ်ကို နေ့ရက် ချစ်စနိုးဖြင့် မနာအောင် ပါးလေးကို ဖွဖွလေး လိမ်ဆွဲလိုက်သည် .....
"ကဲပါ ထင်ရယ် .... ဟိုသွားရင် လှေကားထစ်တွေ အများကြီးတက်ရမှာ ငါကနင်ပင်ပန်းမှာဆိုးလို့ပြောတာပါ ....
မနက်မှ အေးဆေးသွားမယ်နော် .... အခု အရင်ဆုံး ဓာတ်ပုံရိုက်ကြမယ်လေနော် ....
ပြီးရင် ရင်ပြင်ပေါ်မှာ အေးဆေးထိုင်ကြ
ရအောင် "
နေ့ရက်က အကျိုးသင့်အကြောင်းသင့်
ချော့ချော့မော့မော့ပြောသောအခါ ပုံရိပ်
အဘယ်မှာ တောင့်ခံအံ့ပါနည်း....
ထပ်ပြီး နေ့ရက်က ရှုခင်းကောင်းသောနေရာများတွင် ဓာတ်ပုံလှလှလေးများ
ရိုက်ပေးလိုက်သောအခါတွင်တော့
စိတ်ကောက်ခြင်းအဆင့်ထိမရောက်သေး
သော ပုံရိပ်မှာ သူ့အလိုလို စိတ်ပြေသွား
ရတော့သည် ......
ပုံရိပ်ပုံလေးတွေရော ၂ယောက် စုံတွဲပုံလေးတွေရော တော်တော်များများရိုက်ပြီးသွားသည့်အခါ ရွှေဆိုင်းကပ်ရန် ရွှေပြား
လေးတွေ ၀ယ်ကြသည် .....
YOU ARE READING
🍀 အမုန်းများရဲ့ အလွန် 🍀
Romanceမာနတွေပြိုင်ကြရင်း တည်ဆောက်ဖြစ်ခဲ့တဲ့ နေ့ရက်ဆက် နဲ့ ပုံရိပ်ထင်တို့ရဲ့ အိမ်ထောင်ရေး အချစ်ဇာတ်လမ်းလေး ❤️❤️
