//UNICODE//
အခန်း ၂၃ - သဲလွန်စ
ရဲအရာရှိသည် villa ပတ်၀န်းကျင်ကို စစ်ဆေးရန် စကင်ဖတ်သည့်ကိရိယာအချို့ကို အချိန်ကြာမြင့်စွာအသုံးပြုခဲ့သော်လည်း မူမမှန်သည့်အရာ တစ်စုံတစ်ရာမှ မတွေ့ခဲ့ရပါချေ။ ရဲအရာရှိများပြန်သွားကြပြီးနောက် သူတို့၃ဦးသည် စိတ်ဝိညာဥ်ပင်အခန်းသို့ တစ်ဖန်ပြန်လာခဲ့ကြသည်။ စိတ်ဝိညာဥ်ပင်များဟာ ထိတ်လန့်တုန်လှုပ်နေကြဆဲပင်။ သူတို့တွေ ပြန်လည် တည်ငြိမ်သွားစေရန် စုလင်း အချိန်တော်တော်ပေး၍ ချော့လိုက်ရသည်။
ဒယ်ရီက ဆူးနီဘောလုံးပင်ရဲ့ အရည်ကို ထုတ်ယူပြီး ထွက်သွားသည်။ စုလင်း သူတို့နေရာရဲ့ အနိမ့်ပိုင်းမှာရှိနေသည့် Villa ကို ညွှန်ပြလိုက်ပြီး ကုလီဟန်ကို မေးလာသည်။
"အဲ့ဒီVillaရဲ့ ပိုင်ရှင်ကို ခင်ဗျားသိလား?
ကုလီဟန်က စုလင်းမေးချင်တာကိုနားလည်တဲ့အတွက် သူလိုချင်တဲ့အဖြေကို တန်းပေးလိုက်သည်။
"အဓိပ္ပါယ်မရှိတဲ့ လူလိမ်တော့ မဟုတ်ဘူး"
စုလင်း မျက်မှောင်ခပ်ဖွဖွကြုတ်မိကာ စိတ်ဝိညာဥ်ပင်တွေကိုကြည့်နေရာမှ ကုလီဟန်ကို ကြည့်လိုက်သည်။
"ပြသာနာက သူတို့တွေးတဲ့ပုံစံမှားနေတာ ဖြစ်နိုင်တယ်"
ကုလီဟန်က ခေါင်းညိတ်သည်။ သူလည်း စုလင်းနဲ့ထပ်တူတွေးမိနေသည်မို့
"ခြေရာလက်ရာလုံးဝမကျန်ဖို့ မဖြစ်နိုင်ဘူး"
ညဥ့်နက်ပိုင်း၌ Villaရဲ့ ဒုတိယထပ်မှ အခန်းတစ်ခန်းထဲတွင် ကုလီဟန်နဲ့ စုလင်းတို့ ဆိုဖာတစ်ခုပေါ် ထိုင်နေခဲ့ကြပြီး သူတို့ရှေ့ရှိ သုံးဖက်မြင်မျက်နှာပြင်တစ်ခုကို ကြည့်နေခဲ့ကြသည်။ သုံးဖက်မြင် မျက်နှာပြင်တွင် Villaရဲ့နေရာတိုင်းကို အချိန်နဲ့ တပြေးညီ ပြသနေသည်။ မျက်နှာပြင်တွင် စတုရန်းပုံ အကွက် ၉ကွက်ရှိပြီး အလယ်တွင် စိတ်ဝိညာဥ်ပင်ထားသည့်အခန်းဖြစ်သည်။ ပြီးခဲ့သည့်ညက ဒိုမီဟာ အချက်ပြစနစ်မှ ဘာအသံကိုမျှ မကြားခဲ့ရသည့်အတွက် သူတို့၂ယောက် ကိုယ်တိုင်စောင့်ကြည့်ဖို့ဆုံးဖြတ်ခဲ့တာဖြစ်သည်။ နေရာအနှံကိုပြသနေသည့် စတုရန်းအကွက်လေးတွေ ငြိမ်သက်တိတ်ဆိတ်နေသည်မှာ ည၉နာရီကတည်းက ဖြစ်သည်။ စိတ်ဝိညာဥ်အပင်လေးတွေလည်း ငြိမ်သက်နေကြသည်။ သူတို့ရဲ့ပန်းပွင်နဲ့အရွက်များပင် နေ့အချိန်တွေမှာ ဝှေ့ယမ်းလှုပ်ရှားနေတတ်သည်နှင့်ခြားနားစွာ ငြိမ်သက်နေကြသေးသည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
