Unicode
အရာအားလုံး အေးချမ်းသွားပြီဟု သူထင်မှတ်ခဲ့ဖူးသည်။
အစ်ကိုတော်ဘရဏသူ ထီးနန်းရယူပြီးသည့်နောက် သူ၏အတွေးနှင့်ဆန္ဒတို့မှာ ထင်ထားသည်ထက် ပို၍ရိုးစင်းခဲ့ဖူးသည်။
သူသည် ဘုရင်၏လက်အောက်တွင် သစ္စာခံပြီး တိုင်းပြည်မှပေးသော တာဝန်ကိုထမ်းဆောင်မည်။ ထို့နောက် သူ၏ချစ်သူယုဂန်နိုင်နှင့်အတူ အေးအေးချမ်းချမ်းနေထိုင်သွားမည်။
သို့ရာတွင်....
သူ၏အတွေးနှင့်ဆန္ဒတို့ အချိန်ကြာကြာမငြိမ်းချမ်းလိုက်ရပါ။ အရာအားလုံးက သူထင်ထားသည်နှင့် ဆန့်ကျင်ဘက်ဖြစ်လာသည်။" ဒီအခန်းထဲကနေ ခြေတစ်လှမ်းအပြင်ကျွံတာနဲ့ မင်းက ငါ့ရဲ့ဆန့်ကျင်ဘက်လူ ဖြစ်သွားပြီ...အရုဏ"
လျစ်လျူရှူခဲ့သည့် ဥတ္တရအရှင်၏စကားတွေ။
တံခါးဘောင်ကို ကျော်လွန်ခဲ့သည့် ခြေတစ်လှမ်း၏အနောက်တွင် အရာအားလုံးဟာ နောက်ပြန်ဆုတ်မရတော့။
သဘောထားကွဲလွဲခြင်း၏အနောက်တွင် များစွာသောအက်ကွဲကြောင်းများက သူနှင့်တော်ဝင်မိသားစုကို စည်းအလွှာခြားစေခဲ့သည်။
ဥတ္တရအရှင်ကို ပုန်ကန်သော မင်းသားအရုဏနှင့် အမတ်ယုဂန်နိုင်....
ထို့နောက် ပုန်ကန်သူနောက်လိုက်ခဲ့သူ မင်းသား ပီယံမိတ်...
အင်း...ပုန်ကန်ခြင်းတိုင်းက မကောင်းတဲ့ဘက်ကိုဦးတည်တာမှ မဟုတ်ဘဲ။
ယုံကြည်ရာကို လျှောက်လှမ်းခဲ့သည့်အတွက် သူ့ထံတွင် နောင်တဟူ၍ ရှိမည်မဟုတ်။ နောက်ပြီး သူ့အနားတွင် ယုဂန်နိုင်ရှိနေသ၍ သူ့အတွက် လုံလောက်သည်ထက် ပိုလျှံနေပြီ။
" မောင့်ကို လက်ထပ်ပါ"
သူ ယုဂန်နိုင်နှင့်အတူ တစ်သက်လုံးနေထိုင်သွားရန် ဆန္ဒရှိသည်။
ဒီဆန္ဒကရော သူ့အတွက် မဖြစ်နိုင်ဘူးလား?
"ဒဏ္ဍာရီအရဆို နဂါးမင်းသားအလိုရှိတာက သိကာခယမင်းမျိုးဆက်ဖြစ်တဲ့ အစ်ကိုယုဂန်နိုင်ပဲ..."
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...