Unicode
“ကိုကိုဆုယဲ့.. ညီမက ဟော်ရူယန်လေ..!”
ရင်းဆုယဲ့က သူမကို မသိသလိုမျိုး မတ်တပ်ရပ်နေပြီး သူမရဲ့စကားကို အဖက်မလုပ်တာကြောင့် ဟော်ရူယန်က ဆက်ပြောလိုက်တယ်။ စတွေ့ကတည်းက ရင်းဆုယဲ့က သူမကို မမှတ်မိဘူး။ ဒီကိစ္စကို အတော်လေး စိတ်ပျက်မိပေမယ့် အကြောင်းအရင်းတချို့ကြောင့် နားလည်ပေးလိုက်တယ်။
ဟော်ရူယန်က သူမကိုယ်သူ အရမ်းသိတတ်နားလည်တဲ့ အမျိုးသမီးလို့ တွေးထင်နေတော့တယ်။ ထို့ကြောင့် သူမက ရင်းဆုယဲ့အနားကို ခပ်မြန်မြန် လျှောက်သွားလိုက်ပြီး အချိန်ဖြုန်းမနေဘဲ သူမရဲ့နာမည်ကို ထုတ်ပြောပြလိုက်တယ်။
“………..”
ဟော်ရူယန်က ရင်းဆုယဲ့ကို အော်ခေါ်နေတဲ့အချိန် ရွှယ်ယို့ရှန်းခမျာ ကြက်သီးမွေးညင်းများပင် ထသွားရတယ်။ ချိုအီချွဲပျစ်နေတဲ့ အသံက အော့အန်ချင်စရာပဲ။ အဲ့တာထက်ပိုပြီး သည်းခံရခက်တာက ရင်းဆုယဲ့ကို ကြည့်နေတဲ့ ဟော်ရူယန်ရဲ့ အကြည့်တွေပဲ။ သူ့ပုံစံက တစ်စုံတစ်ယောက်ကို အသည်းအသန် Crush နေတဲ့ ဆယ်ကျော်သက်မလေးလိုပဲ။
တခြားလူတွေ မသိပေမယ့် ရွှယ်ယို့ရှန်းကတော့ စာရေးဆရာအနေနဲ့ သူ့ဝတ္ထုထဲက ဇာတ်ကောင်ရဲ့ အကျင့်စရိုက်တွေကို ရှင်းရှင်းလင်းလင်း သိထားတယ်။ ဟော်ရူယန်က ရင်းဆုယဲ့ကို ဘယ်တုန်းကမှ မျက်လုံးထဲထည့်ခဲ့တာမဟုတ်ဘူး။ ဒါပေမဲ့ အခုတော့ ‘ရင်းဆုယဲ့သာ အရာရာပါ’ဆိုတဲ့ မျက်နှာထားနဲ့ ချဉ်းကပ်နေလေရဲ့။
ဟန်ဆောင်ပန်ဆောင် လုပ်တတ်ပုံများကွာ..!!!
အပြင်လူတွေရှေ့မှာ သူ့ရဲ့ မြင့်မြတ်အေးစက်တဲ့ ပုံရိပ်လေး ပျက်စီးသွားမှာကို စိုးရိမ်နေလို့သာပေါ့။ မဟုတ်ရင် ရှေ့တက်ပြီး ဟော်ရူယန်ဆိုတဲ့ မိန်းမကို အသိစိတ်ပြန်ဝင်သွားအောင် ခပ်ကြမ်းကြမ်းလေး ဆွဲဆောင့်ပစ်လိုက်ပြီးပြီ။ ပြီးရင် အဲ့မိန်းမကို ဒီလိုမျိုး အော်ဟစ်ပစ်လိုက်ချင်တယ်။
သူမက အတိတ်တုန်းကလို အပြစ်ကင်းတဲ့ မိန်းမငယ်လေး မဟုတ်တော့ဘူးလေ။ လက်ရှိဟော်ရူယန်က ရိုးသားစစ်မှန်ခြင်းတွေ မရှိတော့တဲ့ မကောင်းတဲ့စိတ်တွေနဲ့ အရောင်ဆိုးခံလိုက်ရတဲ့ မိန်းမတစ်ယောက်ပဲ။
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
