Unicode
“နင်မလွန်လာနဲ့နော်..!”
သူမကို ရန်စနေတဲ့ ရွှယ်ယို့ရှန်းကိုကြည့်ပြီး ဟော်ရူယန်ခမျာ စိတ်မထိန်းနိုင်တော့ဘူး။ မြို့တော်မှာဆိုရင် သူမကို ဘယ်သူမှ ဆန့်ကျင်ရဲတာမဟုတ်ဘူး။ သူမကို ဆန့်ကျင်တဲ့လူတိုင်း အဆုံးသတ်မကောင်းစေရဘူး..!
ဒါပေမဲ့ ဒီတစ်ခေါက်ခရီးမှာ ဒီလောက်အရှက်ရစရာကောင်းတဲ့ အဖြစ်မျိုး ကြုံတွေ့ရလိမ့်မယ်လို့ လုံးဝမထင်ထားဘူး။ အခုတော့ ကောင်စုတ်လေးက ‘တစ်လက်မပေးရင် တစ်မိုင်လောက်ယူတတ်တဲ့လူမျိုး’ ဖြစ်နေတယ်။ သောက်ကျိုးနည်း.. သောက်တိရစ္ဆာန်ကတောင် သူမကို အထင်သေးရဲတယ်..!
ပိုပြီးမထင်မှတ်ထားတာက ရင်းဆုယဲ့ကိုပဲ။ အတိတ်တုန်းက သူမအပေါ် အနွံတာခံခဲ့တဲ့ ရင်းဆုယဲ့က အခုတော့ သူမကို လျစ်လျူရှုထားရုံတင်မကဘူး၊ ဘယ်ကမှန်းမသိတဲ့ ကလေးတစ်ယောက်ကို အသေးစိတ်ကအစ ဂရုစိုက်ပေးနေတယ်။ ရင်းဆုယဲ့နဲ့ ယှဉ်မတိုက်ခိုက်နိုင်တော့ အမျိုးမျိုးရန်စနေတဲ့ ဟိုကောင်စုတ်လေးကို ပညာပေးလို့မရဘူး။ မဟုတ်ရင် ရိုက်ပစ်လိုက်ပြီ..!
ရင်းဆုယဲ့က သူ့ရဲ့အရှိန်အဝါနဲ့တင် သူမကို လှုပ်မရအောင် လုပ်ခဲ့တယ်။ ဒါကိုကြည့်ခြင်းအားဖြင့် သူတို့နှစ်ယောက်ကြားက စွမ်းအားကွာခြားချက်က အဆင့်ကြီးတစ်ခုစာမက ရှိနေတယ်။ သူမ မှတ်မိသလောက်ဆိုရင် ရင်းဆုယဲ့ မြို့တော်ကနေ ထွက်သွားတုန်းက သူမနည်းတူ ကနဦးအဆင့် ၁ ပဲ ရှိသေးတာပါ။ လောလောဆယ် ရင်းဆုယဲ့ရဲ့ ကျင့်ကြံဆင့်က ရွှေရောင်တော်ဝင်အဆင့် ၁ ဒါမှမဟုတ် အဲ့ထက်ပိုမြင့်လိမ့်မယ် ထင်တယ်။
ကျင့်ကြံခြင်းအဆင့်မြင့်လေ အဆင့်တက်ဖို့ ပိုခက်ခဲလေပဲ။ ပြီးတော့ အချိန်လည်း ပိုကြာနိုင်တယ်။ သာမန်လူတစ်ယောက်အတွက် ကနဦးအဆင့် ၁ ကနေ အဆင့် ၂ ကို လအနည်းငယ်အတွင်း တက်လှမ်းနိုင်ခဲ့တယ်ဆိုရင်တောင် အရမ်းမြန်လွန်းနေပြီ။
ဒါပေမဲ့ ရင်းဆုယဲ့က အချိန်တိုအတွင်း အဆင့်တွေအများကြီး ချိုးဖြတ်သွားနိုင်ခဲ့တယ်။ ကြည့်ရတာ ရင်းဆုယဲ့က မမျှော်လင့်ဘဲ ရတနာတစ်ခုခု.. ဒါမှမဟုတ် ထူးဆန်းတဲ့ ပုဂ္ဂိုလ်တစ်ယောက်ယောက်နဲ့ ဆုံတွေ့ခဲ့တာ ဖြစ်ရမယ်။
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...