နာရီပေါင်း 11 နာရီခွဲလောက်ကွာဟနေတဲ့အချိန်ကာလမှာ ချစ်ရသူနဲ့စကားပြောရမည်ဆိုရင် မအိပ်၍လည်းသီဟနေနိုင်သည်။
ဒီဘက်က ည ၉နာရီခွဲနေပြီဆိုပေမယ့် ထွဋ်ခေါင်တို့ဘက်မှာတော့ မနက် ၁၀နါရီလောက်ပင်ရှိချေသည်။ အလုပ်စားပွဲမှာ ထိုင်နေပြီး တစ်ဖက်က မနက်စာစားနေသော ချစ်ရသူအားကြည့်နေမိသည်။ကြည်လင်နေသောမျက်နှာလေးကိုမြင်ရတာကြောင့် စိတ်ချမ်းသာရသည်။
" မောင် မအိပ်သေးဘူးလား "
" အိပ်တာကအရေးကြီးလို့လားကွာ၊ အချစ်အလုပ်သွားမှ အိပ်မယ်"
" နောက်ကျနေပြီမလား "
" အများကြီးနောက်မကျသေးပါဘူး၊ စားစား ရေလည်းသောက်ဉီး "
" ........... "
မေးကိုထောက်ကာ စားနေသည်ကိုထိုင်ကြည့်နေသောသီဟကြောင့် ထွဋ်ခေါင်ဘာပြောရမှန်းမသိဖြစ်နေမိသည်။ စိုးရိမ်ခြင်းဆိုသောစိတ်တွေကိုမျက်လုံးထဲ အတိုင်းသားမြင်ရ၏။
" မောင် "
" ဗျာ "
" အလုပ်သေချာလုပ် "
" ဟုတ်ပါပြီ၊ သဲငယ်သာ အဆင်ပြေအောင် အလုပ်တွေစီမံခဲ့၊ အဆင်မပြေရင်မောင့်ကိုပြောနော်"
" ပြေမှာပါ ငါ့ရဲ့စိတ်ကိုမင်းသိသားနဲ့ "
" မောင်သိပါတယ် "
" မောင် "
" ဗျာ "
" ငါ့ကို ဘယ်လောက်တောင်ချစ်တာလဲ "
ထိုမေးခွန်းကြောင့် သီဟခါးပင်မတ်သွားသည်။ ဒီမေးခွန်းဘာကြောင့်မေးလဲဆိုတာ နားမလည်နိုင်ပါ။သို့သော်သိချင်နေသောသူရဲ့အမေးကြောင့်ဖြေရပေမည်။
" အကြောင်းပြချက်မလိုလောက်ဘူးထင်တယ်၊ မောင်ပြောခဲ့သားပဲ၊ မောင်က သဲငယ်ကို လက်မထပ်ခင်ကတည်းကသဘောကျခဲ့ရတာ၊ အခုထိလည်းသဘောကျတယ်"
" ဘယ်ချိန်သဘောကျတာရပ်မှာလဲ "
" ရပ်ဖို့မရှိဘူးလေ သဲငယ်ရဲ့၊ မောင့်ရဲ့နှလုံးသားလေးထဲ သဲငယ်ကိုအမြဲထည့်သိမ်းထားတာ၊ သဘောမကျတော့ဘူးဆ်ိုတဲ့နေ့မရောက်လာဘူး "
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
