63

8.8K 1.7K 101
                                    

Unicode

“ခဏနေဦး..”

ရင်းဆုယဲ့က ထွက်သွားရန် ပြင်လိုက်တဲ့အချိန် အဖြူရောင်လူငယ်က ဟန့်တားလိုက်တယ်။ ကြောက်မက်ဖွယ်ရာ ဖိအားအောက်ကနေ လွတ်မြောက်လာတာနဲ့ အဖြူရောင်လူငယ်လည်း ဘာတွေဖြစ်ပျက်နေသလဲဆိုတာ စူးစမ်းရင်း ရင်းဆုယဲ့၊ ရွှယ်ယို့ရှန်းနဲ့ ဟော်ရူယန်ကြားက ဇာတ်ရှုပ်ကို အစအဆုံး ရပ်ကြည့်နေခဲ့တယ်‌။ အခုတော့ ပြဇာတ်ပြီးသွားတာတောင် ဟိုသုံးယောက် ဘာတွေဖြစ်နေသလဲဆိုတာကို နားမလည်နိုင်သေးဘူး။

ဘာမှနားမလည်ပေမယ့် ထွက်သွားမယ့်လူတွေကို အရင်ဆုံး တားဆီးလိုက်တယ်။ ဘာပဲပြောပြော တည်းခိုဆောင်ထဲမှာ ဖြစ်ပျက်သမျှကို တစ်ယောက်ယောက်တော့ တာဝန်ယူရမယ်လေ။

“ဘေးဖယ်စမ်း..”

ရင်းဆုယဲ့ရဲ့ မျက်ဝန်းတွေက မသိမသာ ကျဉ်းမြောင်းသွားခဲ့တယ်။ သိသိသာသာပဲ သူ့ရဲ့ သည်းခံနိုင်စွမ်းကို ကျော်လွန်သွားခဲ့ပြီ။ ရွှယ်ယို့ရှန်းကို သူ့ရဲ့လက်နှစ်ဖက်နဲ့ ပွေ့ချီထားလို့သာပေါ့။ မဟုတ်ရင် ရိုက်ထုတ်ပစ်လိုက်ပြီးပြီ..!

“မဖယ်ပေးနိုင်ဘူး..!”

အဖြူရောင်လူငယ်ကလည်း မကျေမနပ် ပြန်ပြောလိုက်တယ်။ ထို့အပြင် လမ်းလယ်ခေါင်မှာ မတ်တပ်ရပ်နေပြီး လုံးဝမဖယ်ပေးခဲ့ဘူး။

“သေချင်နေတာပဲ..!”

ရင်းဆုယဲ့က လက်တစ်ဖက်တည်းနဲ့ ရွှယ်ယို့ရှန်းကို ပွေ့ချီလိုက်ပြီး ကျန်လက်တစ်ဖက်နဲ့ လှုပ်ရှားရန် အသင့်ပြင်လိုက်တယ်။ တစ်ဖက်လူ စတင်တိုက်ခိုက်လာခဲ့ရင် သူကလည်း သိုလှောင်လက်စွပ်ထဲက ဓားကို ဆွဲထုတ်ပြီး ပြန်တိုက်ခိုက်ဖို့ ဝန်မလေးဘူး။

“နေပါဦး..!”

ရင်းဆုယဲ့ တိုက်ခိုက်တော့မယ့်အချိန် ရွှယ်ယို့ရှန်းက ရင်းဆုယဲ့ရဲ့ လက်ကိုကိုင်ကာ ဟန့်တားလိုက်တယ်။ ထို့နောက် ရင်းဆုယဲ့ကို အသာတကြည် ခေါင်းယမ်းပြရင်း မလုပ်ဖို့ ပြောလိုက်တယ်။

ရင်းဆုယဲ့ရဲ့ တွေ့ကရာနေရာမှာ တိုက်ခိုက်တတ်တဲ့အကျင့်က အရမ်းဆိုးရွားတာပဲ။ အဲ့တာကြောင့် လူတွေက ရင်းဆုယဲ့ကို အမြဲတမ်း ပုန်ကန်ချင်နေကြတာ။ မမြင်နိုင်တဲ့ အန္တရာယ်တွေ၊ ရန်သူတွေနဲ့ အမြဲလိုလို ရင်ဆိုင်နေခဲ့ရတာ။

ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!Where stories live. Discover now