ထွဋ်ခေါင် စကားတွေပြောပြီးနောက် သီဟစောင့်နေမည်ဆိုသော နေရာသို့ပြန်လာတော့ မြင်လိုက်ရတဲ့မြင်ကွင်းကြောင့်အနည်းငယ်စိတ်တိုသွားသည်။ သီဟရဲ့ဘေးကကောင်မလေးတစ်ယောက်ရပ်နေပြီး ထိုကောင်မလေးကလည်းပြုံးကာစကားတွေဆိုနေသည်။
ထိုသို့တွဲမြင်လိုက်ရသည်က ဘာကြောင့်ရယ်မသိ ထွဋ်ခေါင်သဘောမကျလှပါ။ မောင့်ကိုသူတစ်ယောက်တည်းကသာထိမည်။ သူကသာအပြုံးတွေနဲ့စကားပြောမည်။
" Darling~ "
သီဟ အနားသို့ကောင်မလေးတစ်ယောက်ရောက်လာပြီး မိတ်ဆက်စကားဆိုနေသည်။ သို့သော် ချစ်ရသူကလွဲပြီးစကားပိုမပြောချင်သည့်သီဟကတော့နှုတ်ဆိတ်ကာနေမိ၏။ ထိုစဉ် ရင်းနှီးသောအသံတစ်ခုက မရင်းနှီးသောစကားလုံးတစ်ခုပြောလိုက်သည်ကြောင့် တောင့်တောင့်ကြီးရပ်နေမိသည်။
" Darling~ "
ဆိုတဲ့အသံနဲ့အတူ လက်ကိုချိတ်လာပါသောချစ်ရသူ။ ပျော်၍ပင်မရသေး။ ခေါ်လိုက်တဲ့အသံဟာ အနည်းငယ်ကြောက်ဖို့ကောင်းနေသည်။
" မောင့်အသိလား "
" Sorry နော် " ဆိုကာ ထိုကောင်မလေးက အနားကထွက်သွား၏။
" အချစ်က ကြာလိုက်တာကွာ "
ထိုကောင်မလေးထွက်သွားသည်နှင့် လက်ကိုဖြုတ်ချကာ မျက်စောင်းနဲ့ကြည့်လာ၏။
" အဲ့တာဘယ်သူလဲ၊ ဘယ်ကလဲ၊ ဘာလို့ပြုံးပြီးစကားတွေပြောနေတာလဲ! "
" မောင် ဘယ်သိမလဲအချစ်ရဲ့၊ သူ့ဘာသာသူစကားလာပြောတာလေ မောင်မှပြန်မပြောတာ "
" မောင်ပြန်မပြောရင် သူကပြုံးပြီးပြောနေစရာလား "
" မောင်က သူပြုံးလားမပြုံးလားတောင်မသိတာကို၊ အချစ်ကသိတယ်ဆိုတော့ အချစ်နဲ့သိတဲ့သူလား "
" သီဟမင်းထင်! "
" ဟုတ်တယ်လေ မောင်မှ မသိတာ"
" မင်း ကံကောင်းသွားတယ်မှတ်! "
" ဒါပေါ့ အချစ်ကိုပိုင်ထားတဲ့မောင်က သိပ်ကံကောင်းတာ "
" မင်း! "
" ဒေါသတွေမထွက်နဲ့ကွာ၊ အချစ်နဲ့မလိုက်ဘူး၊ အချစ်က အပြုံးလေးနဲ့ပဲလိုက်တာ"
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
