Unicode
ဒီဟာက ဗီရိုထဲမှာ ရှာတွေ့နိုင်တဲ့ အဆိုးရွားဆုံးအဝတ်အစားဖြစ်ပြီး သူ့(ကျောင်းကုန်းဇီ)ကို ဘာအရှုပ်အထွေးမှ မလုပ်နိူင်အောင် ဟန့်တားဖို့အတွက် အထူးရွေးချယ်ထားတာဖြစ်တယ်။ ဒါပေမယ့်လည်း အဆုံးမှာတော့ သူက ရှုပ်ယှက်ခတ်အောင် လုပ်နေတုန်းပါပဲ။ ဒါက ငါနဲ့ သက်ဆိုင်တယ်။ ငါ အရမ်းပေါ့လျော့သွားခဲ့တယ်။ ဘာအရှုပ်အထွေးမှမလုပ်ခြင်းရဲ့ အဓိကအချက်က ကျိုးကြောင်းဆီလျော်မှုမရှိနေတဲ့အတွက်ကြောင့် ငါ မိုးကာဖျင်ကြမ်းအိတ် ဒါမှမဟုတ် အမှိုက်အိတ်ကို ၀တ်ထားရင်တောင်မှ သူက ရှုပ်ထွေးအောင်လို့ လုပ်နေဦးမှာပဲ။
သူက အေးစက်စွာပြောတယ်, "ညဝတ်အင်္ကျီ သွားလဲ"
ငါ သူ့ကို မေးလိုက်တယ်, "ငါ ဘာမှမဝတ်ထားရင် မင်း ပိုပြီးအဆင်ပြေသွားမှာလား?"
သူက ငါ့ကို အေးစက်စွာမေးတယ်, "မင်းက ဘယ်သူ့အတွက် ဘာမှမဝတ်ချင်တာလဲ?"
ငါ့လိုမျိုး စိတ်ထားကောင်းတဲ့လူတောင်မှ သူ့ကို ထပ်ပြီး သည်းမခံနိုင်တော့ဘူး! ငါ့လိုမျိုး သဘောကောင်းတဲ့လူတောင်မှ ဒေါသထွက်လာပြီ!
ငါ သူ့ကို ဆက်ပြီးအာရုံမစိုက်ချင်တော့ဘဲ ငါတို့အခန်းထဲကို စာအုပ်ဖတ်ဖို့ ပြန်သွားလိုက်တယ်။
ခဏလောက် စာဖတ်ပြီးတဲ့နောက် ကျောင်းကုန်းဇီက တံခါးကို တွန်းဖွင့်ပြီး ဝင်လာခဲ့တယ်။ သူက အေးစက်စက်ပုံစံနဲ့ မေးတယ်, "မင်း ဘာဖတ်နေတာလဲ?"
ငါ သူ့ကို စာအုပ်အဖုံးပြလိုက်တယ်။ ပြီးတော့ သူက အေးစက်စွာပြောတယ်, "ရိုမီယိုနဲ့ ဂျူးလိယက်, အရမ်းကောင်းတယ်, ဘယ်သူက ဂျူးလိယက်လဲ?"
မင်းအမေ! မင်းအမေက ဂျူးလိယက်လေ!
ငါကလည်း သူ့လိုမျိုး အေးစက်စက် ပြန်ပြောလိုက်တယ်, "မင်း ငါ့ကို အခုမပြုံးပြဘူးဆိုရင် ငါ့အ၀တ်အစားတွေကိုပဲ ပြန်လဲပြီးတော့ အပြင်သွားတော့မယ်"
ကျောင်းကုန်းဇီရဲ့မျက်နှာက တုန်လှုပ်သွားပြီး သူ ငါ့ကို အကြာကြီး စိုက်ကြည့်နေခဲ့တယ်။ အဲ့နောက် သူက လှည့်ပြီးတော့ တံခါးကို သော့ခတ်လိုက်ပြီး ပြတင်းပေါက်ကနေ သော့ကို ပစ်ချလိုက်တယ်။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
