Hedgehog And Tiger [Myanmar Translation]

|111|

[Unicode]

"အန်ဂျလာ၊ ဒီညကို အိမ်မှာညစာလာစားလိုက်။ ရှင်းချွမ်က ကဏန်းဖက်ထုပ်စွပ်ပြုတ်လုပ်ကျွေးမယ်တဲ့"

အန်ဂျလာမျက်လုံးတွေဟာ တလက်လက်တောက်ပလို့သွားပါတယ်၊ အမြန်ခေါင်းညိတ်ပြကာ
"တုန်တုန်က သူ့အဘိုးအိမ်ရောက်နေတာ၊ ဒီရက်ပိုင်း ငါ့မှာစားဖို့နေရာတောင် မရှိတော့ဘူး!"

စီမံခန့်ခွဲရေးဌာနတစ်ခုကလွဲရင်၊ ကျန်ဌာနတွေအကုန်လုံးက အားလပ်ရက်ရှည်ရထားတယ်လေ။
ဘော့စ်ဖြစ်တဲ့ယန်ထန်လည်း သေချာပေါက်ကို ပိတ်ရက်ရတာပေါ့။
အန်ဂျလာနဲ့အတူ ဓာတ်လှေကားထဲဝင်ရောက်ရင်း၊ ကားပါကင်ဆီ ဦးတည်လိုက်တယ်။
တွေးနေမိတာကတော့...၇ရက်ပိတ်ရက်ရှည်ကြီးမှာ ဖြူလေးကို ဘယ်နေရာလိုက်ပို့ပေးရင်ကောင်းမလဲ?

ယန်ထန်က တည်ငြိမ်တဲ့အရှိန်နဲ့ ကားကိုမောင်းနှင်တယ်၊ အန်ဂျလာကတော့ သူမမိတ်ကပ်ကို ပြန်လည်ပြင်ဆင်နေတယ်။
"အမျိုးသားနေ့ရောက်တော့မယ်နော်။ ရှင်းချွမ်နဲ့ ဘာတွေအစီအစဉ်ဆွဲထားသေးလဲ?"

"သေချာမဆုံးဖြတ်ရသေးဘူး။ ရှင်းချွမ်ရဲ့ရှေ့နေရုံးချုပ်မှာသာ ကိစ္စမပေါ်လာခဲ့ရင်တော့၊ အဆင်ပြေပါတယ်။ ခရီးတိုလေးထွက်ရင်ထွက်ဖြစ်မှာပေါ့၊ သူ့မွေးနေ့လည်း နီးလာပြီဆိုတော့"

အလုပ်ဆင်းချိန်ဖြစ်တာကြောင့်၊ ယာဉ်လမ်းကြောဟာ သာမန်အချိန်များထက် ပိုမိုရှုပ်ထွေးနေခဲ့တယ်။
ယန်ထန်က လူရှင်းတဲ့လမ်းကျဉ်းလေးတွေထဲ ကွေ့ပတ်မောင်းနှင်တယ်။

ပစ္စည်းတင်ချပြုလုပ်နေတဲ့ ဟင်းသီးဟင်းရွက်ကားတစ်စီး၊ ယန်ထန့်ကားကို လမ်းပိတ်သွားစေတယ်။
ထို့ကြောင့်ပဲ၊ ယန်ထန်က ကားကိုလမ်းဘေးကပ်ရပ်လိုက်တယ်။ ပစ္စည်းတင်ချခြင်းလုပ်ငန်း ပြီးဆုံးသွားဖို့ စောင့်မျှော်ရင်းပေါ့။

ဇတ်ကြောတွေ တောင့်တင်းနေတယ်၊ အလွန်အကျွံအလုပ်လုပ်ခြင်းရဲ့ နောက်ဆက်တွဲတွေများလား?
ပြတင်းပေါက်ဖွင့်ရင်း၊ စီးကရက်ကို မီးညှိဖို့ဟန်ပြင်လိုက်တယ်။

ဒီနေရာက သူတို့အထက်တန်းကျောင်းနဲ့နီးတယ်၊ ပြောင်းလဲမှုကြီးမားပုံက၊ ယန်ထန်တောင် မမှတ်မိရတော့လောက်အောင်ပင်။