♡الفصل التاسع عشر♡

16K 582 63
                                    

متنسوش الفوت⭐ يا قمرات🕺♥
50⭐= بارت جديد🌿

وصلت بيكم 911 متابع 🥺♥♥♥ عقبال الألف😉💙، ووقتها ليكوا مني مفاجئة😎🚬.

«خادمة الشيطان»
«الفصل التاسع عشر»

"بسم ﷲ الرحمن الرحيم"

رؤية حاميك بهذا الضعف يجعلك تخاف من القادم، كأن هناك ما هو قادم لينغص عنك عيشتك، تخاف أن تسلب منها الحياة أحبابها لتعيش بعدها في مرارة الفقد، لن تتحمل فقدان أحبابها لينقبض قلبها عند استنتاجها هذا.

ضمت رأسه إلي صدرها بقوة تحاول أن تعطيه الأمان الذي سلبها منها بحديثه الغامض ومجهولها المخيف، ليحيطها من خصرها مقربًا إياها منه ليسمع صوتها تتسائل بتوتر شعر به في نبرة صوتها:
_خايف من إيه!!

زفر الهواء العالق برئتيه لتلفح أنفاسه الساخنة المحملة بالهموم بشرتها يحاول تنقية كلماته حتي لا يُخيفها ليردف بصوت متثاقل:
_خايف من كل حاجة، خايف الماضي يرجع يتعاد تاني بس مش معايا مع الناس القريبة مني، خايف يعيشوا نفس المعاناة اللي عشتها، خايف يواجهوا العذاب اللي شوفته، خايف يتكسروا، خايف يضيعوا مني زي ما ضعت زمان، خايف يمشوا في سكة غلط كلها حرام وفي الآخر يقسوا علي نفسهم عشان مصيرهم في الآخر يبقي زي مصيري!! شياطين منبوذين من كل اللي حواليهم، خايف علي عيلتي وخايف اخسر حد فيكوا، لو عليا أنا مش هخاف علي نفسي، لكن لو حصل حاجة ليكوا أنا مش هسامح نفسي ابدًا، مجرد غلطة غلطتها دفعت تمنها غالي أوي والتمن كان حياتي، عايش اه بس عايش جسد من غير روح، شخص جامد بارد لا يُطاق.

خرج من أحضانها ليحدق بها بنظرة تحمل كل معاني الألم ليكمل بوجع:
_خايف تيجي في يوم وتكرهيني.

كان تستمع له بقلب يئِن من الألم، ما عاشه يصعب علي غيره التجاوب معه، لكن هو حارب ذاته ليستطيع العيش مجددًا، طفل تحمل كل هذا العذاب يأتي الأن بعد مرور كل تلك الأعوام ويقول أنه خائف بأن تتركه!! رباااه بما يفكر هذا!! لو يعلم بأنه أصبح يملك صمام قلبها لما تحدث بهذا الهراء.

كوبت وجهه بين يدها لتقول بصوت ظهر في طياته العشق المبجل تجاهه:
_عمري ما ههكرهك ولا هعرف أكرهك يا يزن، انت اللي جيت وعوضتني عن كل وحش شوفته في حياتي، كنت ليا الداعم الأكبر عاملتني زي بنتك وعوضتني عن الحنان اللي افتقدته، جاي دلوقتي وتقول خايف اكرهك!! لو العمر رجع مليون مرة هختارك انت من غير تردد ثانية واحدة، انا بحبك زي ما انت، بحب قسوتك اللي بتكون ناتجة عن غيرتك وخوفك عليا، بحب حنيتك، بحب دلالك فيا كأني أحسن واحدة في العالم، بحبك عشانك انت، ولو خلفنا اتمني ولادي يطلعوا شبهك في كل حاجة، اوقات بقعد مع نفسي واقول انا عملت إيه حلو في حياتي عشان ربنا يرزقني بزوج زيك انت، وانت جاي تقولي خايف اكرهك!! يبقي لسه متعرفش حبك اتملك قلبي ازاي.

خادمة الشيطانحيث تعيش القصص. اكتشف الآن