Unicode
အစ်ကို(၅)က အရမ်းချောမောပြေပြစ်ပြီး အဲ့တာကို ဖော်ပြဖို့တော့ ခက်တယ်။
ဒါပေမယ့် ငါတို့ အစ်ကို(၅)ကို မတွေ့ခဲ့ရဘူး။
အစ်ကို(၅)က ဖုန်းဆက်ပြီး ပြန်မလာတော့ဘူးလို့ ပြောတယ်လေ။
သခင်ကြီးကျောင်းစီကတော့ အဲ့တာကို ကျင့်သားရနေပုံရပြီး ဒေါသမထွက်ဘဲ "သူ အပြင်မှာ သေဆုံးသွားတာ ဒါမှမဟုတ် တစ်ခုခုဖြစ်တာ ဖြစ်နိုင်တယ်" လို့သာ ပြောခဲ့တယ်။
ဘယ်သူကမှ စကားမပြောတော့ဘဲ ငါတို့အားလုံး စားဖို့ကိုပဲ အာရုံစိုက်နေကြတယ်။
ကျောင်းကုန်းဇီက အငယ်ဆုံးကလေးဖြစ်ပြီး များသောအားဖြင့် သခင်ကြီးကျောင်းစီထံမှ အချစ်တွေကို အများဆုံးရလေ့ရှိသော်လည်း သခင်ကြီးကျောင်းစီက အစ်ကို(၅)ကို အချစ်ဆုံးဆိုတာ လူတိုင်းသိတယ်။ ဘာလို့လဲဆိုတော့ အစ်ကို(၅)က သခင်ကြီးကျောင်းစီရဲ့ ပထမဇနီးကမွေးတဲ့ တစ်ဦးတည်းသောသားဖြစ်နေတာကြောင့်ပဲ။ နောက်ဆုံးတော့ ငယ်ငယ်က အချစ်ကြောင့် ခံစားချက်တွေ နည်းနည်းကွဲလွဲခဲ့ပြီး ပထမ,မဒမ်ဟာ သခင်ကြီးကျောင်းစီကို ကာကွယ်ဖို့အတွက် ကွယ်လွန်သွားခဲ့တယ်ဆိုတဲ့အချက်ကိုတော့ မဖော်ပြလိုတော့ဘူး။ သခင်ကြီးကျောင်းစီက ငယ်ရွယ်တဲ့ အစ်ကို(၅)ပေါ်မှာ အမှတ်အသားပြုထားတာကြောင့် နှစ်ပေါင်းများစွာ ပြုစုစောင့်ရှောက်ပေးဖို့အတွက် ကျောင်းကုန်းဇီကိုမွေးဖွားပေးထားတဲ့ ဆယ့်သုံးယောက်မြောက်မဒမ်နှင့်အတူ အစ်ကို(၅)ကို ထားရှိခဲ့တယ်။ အဲ့ဒါကြောင့် ကျောင်းကုန်းဇီက အစ်ကို(၅)ကို သူ မုန်းတီးသော ညီအစ်ကိုမောင်နှမများစာရင်းရဲ့ထိပ်ဆုံးမှာ နေရာရစေခဲ့တယ်။
(သက်ပြင်းချလိုက်သံ)
တစ်နည်းအားဖြင့် အစ်ကို(၅)က တော်တော်လေးကိုလည်း ဒဏ္ဍာရီဆန်တယ်။
ထမင်းစားပြီးတဲ့နောက် ကျောင်းကုန်းဇီက သူ့အဖေနဲ့အတူ ဧည့်ခန်းထဲကို လိုက်သွားပြီး စစ်တုရင်ကစားတယ်။ သူက အလွန်နာခံလိုက်နာမှုရှိပြီး သခင်ကြီးကျောင်းစီကို ပိုပြီးပျော်ရွှင်စေတယ်။ သခင်ကြီးကျောင်းစီပျော်ရွှင်နေသရွေ့ ကျောင်းကုန်းဇီလည်း ပျော်ရွှင်နေမှာပါ။ အရှုပ်အထွေးတွေဖြစ်စေမယ့်အစား နှစ်ယောက်သား ပျော်ပျော်ရွှင်ရွှင်ရှိနေမယ်ဆိုရင် အားလုံးကလည်း ပျော်ရွှင်ကြလိမ့်မယ်လေ။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...