Extra 1_ Chapter (14) _ ရွှယ်ဇီရွမ်/ရႊယ္ဇီရြမ္

1.7K 162 4
                                    

Extra 1_ Chapter (14-1) _ ရှောင်ရီကို ကာကွယ်ဖို့ ဘာမဆိုလုပ်မယ်

ယာဉ်ထိန်းရဲများထံမှ ဖုန်းခေါ်ဆိုမှုကို လက်ခံရရှိသောအခါတွင် ရွှယ်လွေ့ သည် အချိန်အတော်ကြာအောင် စိတ်နှင့်ကိုယ် ပြန်မကပ်နိုင်ဖြစ်သွားရသည်။

"မင်းဆိုလိုတာက ကျိုးရင် က ငါ့မွေးစားသားရဲ့ကားကို မောင်းလာပြီး တစ်စုံတစ်ယောက်ကို ဝင်တိုက်တယ်၊ အခု သူတို့တွေရဲ့အသက်ကို ကယ်တင်ဖို့ ဆေးရုံမှာ အရေးပေါ် ကုသနေရတယ်လို့ ဆိုလိုတာလား။ ငါ့မွေးစားသားကော ဘယ်လိုလဲ။"

"လောလောဆယ် ကျွန်တော်တို့ သူ့ကို ရှာနေတယ်၊ ဒါပေမယ့် ဖုန်းက အမြဲပိတ်ထားတယ်။"

ယာဉ်ထိန်းရဲလူငယ်က လေသံခပ်မာမာဖြင့် ဆက်ပြောခဲ့သည်။

"သူ့ကို အမြန်ဆုံးစုံစမ်းစစ်ဆေးရာမှာ ကူညီပေးဖို့ ဗျူရိုကိုခေါ်သွားပါ၊ သူ့ကားက တစ်စုံတစ်ယောက်ကို ဝင်တိုက်မိမှန်းသိရပေမယ့် ယာဉ်မောင်းမဟုတ်ပေမယ့် သူနဲ့တွဲပြီး တာဝန်ယူရတာတွေလည်း ရှိတယ်။"

စကားများမကြာမီပင် အခြားယာဉ်ထိန်းရဲ အရာရှိတစ်ဦးက အမြန်ပြေးလာပြီး ပြောခဲ့သည်။

"သေသေချာချာ ထပ်စစ်ကြည့်ပါဦး၊ ဒီကားက ဟွမ်ရီက ကျိုးရင်ကို ငှားထားတာ မဟုတ်ဘူး၊ ကျိုးရင်က ဟွမ်းရီ ပစ္စည်းတွေဝယ်ဖို့ စတိုးဆိုင်ကို သွားနေတုန်း ခိုးသွားခဲ့တာကွ။ 110 က ဟွမ်ရီ ရဲ့ ဖုန်းနဲ့ တိုင်ကြားခဲ့တာကို လက်ခံရရှိခဲ့တယ်၊ အဲ့ဒါက လွန်ခဲ့တဲ့ လေးနာရီကပဲ၊ အဲဒီဆိုင်က စီစီတီဗွီ ကင်မရာက ဟွမ်ရီရဲ့ ကားခိုးမှုဖြစ်စဉ်တစ်ခုလုံးကို မှတ်တမ်းတင်စောင့်ကြည့်ပေးခဲ့တယ်"

ဒါကိုကြားတော့ ယာဉ်ထိန်းရဲအရာရှိငယ်က အနည်းငယ်ရှက်သွားပြီး ဖုန်းထဲကို ပြောလိုက်သည်။

"မစ္စတာရွှယ်၊ အခုလေးတင်မှ ဒီအကြောင်းကို သိလိုက်ရပါတယ်။ ကျွန်တော် စိတ်မကောင်းပါဘူး၊ မင်းရဲ့မွေးစားသား ဟွမ်ရီက ဒီကိစ္စနဲ့ ဘာမှမဆိုင်ပါဘူး၊ ဒါပေမယ့် အခုပဲ ဆေးရုံကိုလာပေးဖို့ တောင်းပန်ပါတယ်၊ သူ့ကိုခေါ်လာပေးပါလားခင်ဗျာ၊ သူက ကားပိုင်ရှင်ဖြစ်လို့ပါ။"

ဗီလိန်ချစ်သူ (completed) (Arc_8,10,15,Extra_1,2,4) (MM Translation)Where stories live. Discover now