Jingle bells, jingle bells, jingle all the way. Oh what fun it is to ride in a one-horse open sleigh, hey! Jingle bells, jingle bells, jingle all the way. Oh what fun it is to ride in a one-horse open sleigh!
ခရစ်စမတ်နေ့
တချို့အိမ်တွေကတော့ သူတို့ကိုးကွယ်ရာဘာသာရေးအရ ခရစ်စမတ်သီချင်းတွေဆိုကြ ၊ ပျော်ပွဲရွှင်ပွဲတွေကျင်းပကြနဲ့ တကယ့်ကို ပျော်စရာကောင်းတဲ့ည ။
မင်းထင်တို့စံအိမ်ကြီးထဲမှာတော့ တစ်ခြံလုံးကို မီးအဖြူရောင်တွေနဲ့အလှဆင်ထားပြီး စားပွဲဝိုင်းတွေက နေရာယူထားသည် ။ ခြံတံခါးဝင်ပေါက်ရဲ့ ဘေးတစ်ဖက်တစ်ချပ်စီမှာနေရာယူထားတဲ့ Petunia ပင်တွေက လေအဝေ့မှာ ယိမ်းလျက် ။
ခြံတံခါးပေါက်ကနေ ခြံရဲ့အလယ်နားလောက်အထိ ခင်းထားတဲ့ ကတ္တီပါအမဲရောင်ပိုးမွှေးကောဇောက မီးရောင်အောက်မှာ ပြောင်လက်နေသည် ။
တူညီဝတ်စုံ ဝတ်ထားတဲ့ ဝန်ထမ်းလေးတွေက ဟိုဟိုဒီဒီသွားလာပြင်ဆင်နေသည် ။ အပေါ်ထပ်ပြတင်းပေါက်ကနေကြည့်ပြီး နှုတ်ခမ်းတွေကွေးအောင်ပြုံးနေပြီး စိတ်ကူးယဉ်နေချိန် ခါးကို ဆွဲဖက်ခံလိုက်ရတဲ့ အထိအတွေ့တစ်ခု
" မောင် "
" ကိုကိုး ပြင်ဆင်ပြီးပြီလား "
" အင်း ပြင်ပြီးပြီ ကိုယ့် ခင်ပွန်းလောင်းလေးကရော ဘာတွေတွေးနေတာပါလိမ့် "
" ဟင့်အင်း မတွေးပါဘူး "
ဘေးတစ်စောင်းအနေအထားနဲ့ပဲ ကျနော့်လည်ပင်းသားကို ထိတွေ့လာတဲ့ အနမ်းတစ်ခု ။ တပြိုင်နက်တည်းမှာပဲ ပိုပြီးတင်းကြပ်လာတဲ့ ဖက်တွယ်မှု ။
" ကိုယ်မယုံနိုင်သေးဘူး ဂျစ်တူး "
" ဘာကိုလဲ ကိုကိုး "
" ဂျစ်တူး က စပြီး လက်ထပ်ဖို့ပြောခဲ့တာကိုပေါ့ "
" ကျနော်တို့က တစ်ဘဝလုံးစာအတူရှိကြမယ့်သူတွေပဲလေ ချစ်သူရည်းစားဆိုတဲ့ဂုဏ်ပုဒ်က မတည်မြဲဘူး အဲ့တာကြောင့် အိမ်ထောင်သည်ဆိုတဲ့ ခေါင်းစဉ်ကို လိုချင်တယ် "
" ဂျစ်တူး ဘာပဲလိုချင်လိုချင် ကိုယ်ဖြည့်ဆည်းပေးမှာပါ "
" အင်း သိပါတယ် "
