Hedgehog And Tiger [Myanmar Translation]

|118|

[Unicode]

မကြာခင်ရောက်ရှိလာတော့မဲ့ နှစ်သစ်ကူးပွဲတော်အတွက်၊ ဖက်တီးတို့အကုန်လုံးဟာ ယန်ထန့်အိမ်မှာလာရောက်ဆင်နွှဲဖို့ အသင့်ဖြစ်နေကျပါပြီ။
ယန်ထန်က အန်ဂျလာကိုလည်းဖိတ်ထားသေးတယ်။

နှစ်သစ်ကူးနေ့ရောက်တော့၊ အရင်ဆုံးရောက်လာကျသူတွေက ဝူကျင်းနဲ့လီချင်း။
အရှေ့နောက်လျှောက်လာကျကာ၊ လက်တွဲတယ်တို့...ပွေ့ဖက်တယ်တို့...အစရှိတဲ့ချစ်သူဆိုင်ရာအပြုအမူတွေမမြင်ရပေ။

"ရှင်းချွမ်ရော? ဘယ်ရောက်သွားလဲ?"
ဝူကျင်းက အပေါ်ကုတ်အင်္ကျီကိုချွတ်ရင်း၊ မေးခွန်းဆိုတယ်။

ဧည့်သည်နှစ်ယောက်ကို ရေထခပ်ပေးဖို့အတွက် ယန်ထန်က ပျင်းရိလွန်းနေခဲ့တယ်။
'သက်တောင့်သက်သာနေပါ'ဟူသော အချက်ပြခြင်းအဖြစ် မေးတစ်ချက်ငေါ့ပြလိုက်တယ်။
"ရုံးမှာ ကိစ္စရှိလို့တဲ့၊ ခဏနေပြန်လာလိမ့်မယ်"

သုံးယောက်သား စကားဝိုင်းဖွဲ့ဆိုနေစဉ်မှာပဲ၊ လီချင်းနဲ့ဝူကျင်းက ရန်ထဖြစ်ပါတော့တယ်။
'ယုံကြည်မှု'ဆိုတဲ့ ခပ်ကြီးကြီးစကားလုံးတွေတောင် ရန်ပွဲထဲပါဝင်လာလေရဲ့။

ယန်ထန်ဟာ ခေါင်းကိုက်နေပြီ။
ဖက်တီးနဲ့အန်ဂျလာ့ကိုသာ မြန်မြန်လာခဲ့ဖို့အတွက် ဖုန်းဆက်၍တိုက်တွန်းနေရတယ်။

ဖက်တီးရဲ့အမျိုးသမီးလေးက သူများအိမ်အလည်လာချိန်မှာ လက်ဗလာနဲ့မလာချင်ခဲ့ဘူး။
ထမင်းချိုင့်ထဲ ဟင်းလက်ရာကောင်းကောင်းလေးတွေကို အပြည့်ထည့်ကာ၊ ယန်ထန်တို့အတွက် ယူလာခဲ့တယ်လေ။

ယန်ထန်က ထမင်းချိုင့်ကိုကြည့်လိုက်ပြီး
"အခုထိ ယဉ်ကျေးနေတုန်းပဲလား?"

ရှီချင်းချင်းက အပြုံးချိုချိုလေးပြုံးပြတယ်။
"ဘာမှမပါဘဲလာရမှာ မကောင်းဘူးလေ။ ရှင်းချွမ်ရော? သူနဲ့ဟင်းချက်ပြိုင်ပစ်ရမှာ!"

ထိုအချိန်မှာပဲ၊ ဟင်းသီးဟင်းရွက်အိတ်တွေကိုင်ဆွဲထားတဲ့ ဟယ်ရှင်းချွမ်ဟာ...တံခါးဝမှလှမ်းအော်ခေါ်တယ်။
"ထန်ကော! ငါ့ကိုကူသယ်ပေးဦး! အရမ်းလေးတယ်"

ဟယ်ရှင်းချွမ်နဲ့ ရှီချင်းချင်းတို့ မီးဖိုခန်းထဲလက်စွမ်းပြနေချိန်၊ ဧည့်ခန်းထဲမှာကတော့ စကားပြောကောင်းနေတဲ့အမျိုးသားတစ်စု။