(unicode)
" လူကြီး "
ခေါ်သံတစ်ခုနှင့်ထပ်တူ ကျောထက်ရောက်ရှိလာသော ကိုယ်လုံးတစ်ခုကြောင့် ဦးမင်းထွဋ်ခေါင်
ခေါင်းကြီးပူထူသွားသည်။
" ဘယ်သူလဲ ! ဆင်းစမ်း ! ! "
ကြားလိုက်သောအော်သံကြောင့် စွယ်သော်လင်းထိတ်လန့်သွား၏။ လူကြီးမဟုတ်လျှင် ဘယ်သူနည်း။ ကျောပေါ်မှ ပြန်ခုန်ဆင်းလိုက်ပြီး ထိုသူမျက်နှာကို ကြည်လိုက်လျှင် ဦးဒေါင်းမာန်မဟုတ်သည်မှာ သေချာသွားသည်။
" ကျွန်တော်လူမှားသွားလို့၊ sorry "
ရှေ့မှအပြာရောင် hoodie ဝတ်ထားသော အ ကောင်သေးသေးကို ကြည့်လိုက်လျှင် လူကောင်သေးရုံမက မျက်နှာသည်လည်း သေးသေး၊ ပြီးလျှင် မျက်လုံးဝိုင်းဝိုင်းလေး။
" မင်း ! ဒီကအလုပ်သမားဆိုလည်း အဝတ်စားကို သန့်သန့်ရပ်ရပ်ဝတ်ထားမှပေါ့ "
စွယ်သော်လင်း ကိုယ်ကိုကိုယ့်ပြန်ငုံကြည်လိုက်သည်။ ဘယ်နားကိုကြည့်ပြီး လာပြောနေတာလဲ။ မသိသူ၏အပြင်ဆင်အား အပြစ်လာမြင်နေသူ ဦးလေးကြီးကြောင့်
" ကျွန်တော်သဘောနဲ့ ကျွန်တော်ဝတ်တာဘာဖြစ်လဲ။ ဦးလေးကြီးနဲ့ရော ဘာဆိုင်လို့ ပြောတာလဲ၊ ကျွန်တော် ပြောခွင့်ပြုလိုက်မိလို့လား "
" ကောင်လေး မင်းဖိနပ်ကြောင့် ငါအဝတ်စားတွေပေကုန်ပြီး၊ မလျော်ခိုင်းတာကိုပဲ မင်းကျေးဇူး တင်သင့်နေပြီး၊ ဒါတောင် လာစွာနေသေးတယ်၊ မင်းကို ဒီကုမ္ပဏီမှာ အရင်က မတွေ့ဖူးပါဘူး။ ဝတ်စားထားပုံအရတော့ မင်းက သန့်ရှင်းရေးမလား "
" ဘာဗျ ! ! ! အင်္ကျီဖိုး ခင်ဗျားဘယ်လောက် လို ချင်လဲဆိုတာပဲ ပြောလိုက်၊ ကျွန်တော်ကောင်လေး ရှင်းပေးလိုက်မယ် "
" ကပ်စားနေတာပဲ "
" ဘာပြောလိုက်တယ် ! လာ ခုလိုက်ခဲ့ "
လက်ဆွဲ၍ခေါ်သွားသူနောက် မင်းထွဋ်ခေါင်လိုက်ရပြန်သည်။ နောက်ဆုံး CEOရုံးခန်းရှေ့ရောက် လာ၍ မင်းထွဋ်ခေါင် မျက်ခုံးပင့်လိုက်မိသည်။ လက်ဆွဲထားဆဲ အပြာရောင်ကောင်လေးက ပေါ့သေးသေးထဲ မဟုတ်ပုံပင်။ လက်လွှတ်လိုက်ပြီး အခန်တံခါးကိုမခေါက်ဘဲ ဝင်ချသွားသူကြောင့် မင်းထွဋ်ခေါင်လည်း အနောက်က လိုက်ဝင်ခဲ့လိုက်သည်။
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
