Hedgehog And Tiger [Myanmar Translation]

|119|

[Unicode]

အန်ဂျလာပါ ရောက်တုန်းရောက်ခိုက်လေး၊ ဟယ်ရှင်းချွမ်က ဖက်ထုပ်စွပ်ပြုတ်လုပ်ကျွေးဖို့ ကြိုးစားကြည့်လိုက်တယ်။
ပထမဆုံးအကြိမ်မို့လို့ရယ်လားမသိ...ကောင်းကောင်း မလုပ်နိုင်ခဲ့ပါဘူး။
အပြင်သားတွေထူကုန်ပြီး၊ အတွင်းဘက်မှာ အစာနည်းသွားတယ်။
ထမင်းစားစားပွဲပေါ်ချပေးဖို့က၊ သိပ်မသင့်တော်လှဘူးလို့ပဲ ဟယ်ရှင်းချွမ်ထင်မြင်မိတယ်လေ။

လက်တွေကို သုတ်ရင်း၊ ယန်ထန့်ဘေးဝင်ထိုင်တယ်။

မျက်နှာချင်းဆိုင်ထိုင်နေတဲ့ဝူကျင်းနဲ့ ဖက်တီးဟာ တောက်လျောက်စကားဆိုနေခဲ့တယ်။
တစ်ခါတစ်ရံ၊ ဝူကျင်းဘေးမှလီချင်းကလည်း ဝင်ဝင်ပြောတယ်။
ညစာထမင်းဝိုင်းလေးရဲ့အခြေအနေဟာ အလွန်နွေးထွေးလို့နေခဲ့ပါတယ်။
ရုပ်တည်နဲ့သာနေလေ့ရှိတဲ့ ယန်ထန်တောင်မှ၊ တစ်ချက်တစ်ချက်ပြုံးနေခဲ့သေး။

ညစာစားပြီးချိန်မှာ၊ ၈နာရီကျော် ၉နာရီနီးပါးလောက်ရှိနေခဲ့ပြီ။
အနေအထားထဲဝင်မဆံ့နိုင်တဲ့ဂေါင်ကျဲ့ဟာ အန်ဂျလာ၊ ယုတုန်တို့ဖြင့်အတူ အမြန်ပြန်သွားပါတယ်။

အန်ဂျလာတို့ကိုနှုတ်ဆက်ပြီး၊ အိမ်ထဲပြန်ရောက်ချိန်မှာ...ယန်ထန်က အေးစက်စက်လေသံဖြင့်
"အန်ဂျလာရဲ့ယောက်ျားရွေးချယ်ပုံက ပိုပိုဆိုးလာပြီပဲ!"

ဟယ်ရှင်းချွမ်က မီးဖိုခန်းထဲမှာ၊ ပန်းကန်တွေကို ဆေးကြောနေခဲ့တယ်။
"အန်ဂျလာ့ရှေ့မှာ ဒါမျိုးတွေသွားပြောမနေနဲ့! အန်ဂျလာ့ကို ငါပဲကြည့်ကြပ်ပြောလိုက်မယ်။ ထန်ကော ဘာမှသွားမပြောနဲ့နော်!"

ယန်ထန်ဟာ မီးဖိုခန်းထဲဝင်ရောက်လာခဲ့ပြီး၊ ဟယ်ရှင်းချွမ်ခါးကို အနောက်မှဖက်တွယ်တယ်။
"ငါပြောတော့ရော ဘာဖြစ်မှာမို့လို့လဲ?"

"...အန်ကယ်ထန်၊ လက်ကို ငြိမ်ငြိမ်လေးထားပေးပါလား!?"

"ရှင်းချွမ်၊ စားပွဲပေါ်က..."
လီချင်းဟာ ရုတ်တရပ်ဝင်ရောက်လို့လာပါတယ်။
"အိုး...နှစ်ယောက် လုပ်စရာရှိတာဆက်လုပ်ကျပါ"

ဟယ်ရှင်းချွမ်ရဲ့နားရွက်နီနီလေးတွေကို ယန်ထန်မြင်တွေ့နေရပြီ။