Unicode
(TN/ စာပြန်စစ်ရင်းနဲ့တချို့ဇာတ်ကောင်တွေကိုနာမည်ပြောင်းထားပါတယ်နော်🙇♀️၊ အပိုင်း ၁ကနေစပြီးဖြည်းဖြည်းချင်းစစ်ဖြစ်မှာဆိုတော့အချိန်တော့ကြာမှာပါT-T၊ အခုအခန်း ၃၉ကတော့revised versionအတိုင်းစစ်ထားပြီးသားပါ၊ စစ်ရင်းနဲ့ပဲအခန်းအသစ်တင်ပေးသွားမယ်နော်<3)
ဤအပိုင်းများတွင် ရာသီဥတုက မှောင်မိုက်စိုစွတ်နေလေရာ တစ်ပါးနေရာများကဲ့သို့ နှင်းမထူထပ်။ တောင်ပတ်လမ်းတစ်လျှောက်ကို အဖြူရောင်နှင်းလွှာခပ်ပါးပါးသာ လွှမ်းခြုံထားသည်။ ဖြတ်သွားဖြတ်လာခရီးသွားများကြောင့် တချို့နေရာများဝယ် ရေခဲများအဖြစ် အချပ်လိုက်တင်းမာကုန်ကြသည်။ ထို့ကြောင့်ပဲ တောင်ပတ်လမ်းများက အန္တရာယ်ကြီးစွာ ချောလို့နေသည်။ ရထားလုံးတွဲရှေ့ဆုံးမှမြင်းသည် အတောမသတ်စွာ ဟီလိုက်ဟောက်လိုက်လုပ်နေဆဲဖြစ်ပြီး ကြာပွတ်တစ်ချက်ယမ်းမှသာရွေ့တာကြောင့် ရပ်လိုက်သွားလိုက်နှင့် သံသရာလည်နေလေ၏။
သို့သော်ငြား မည်မျှပင်နှေးကွေးစွာသွားနေစေကာမူ ကျောက်တုံးပုံအနားရောက်ရန် စိုးစိမျှသာ လိုတော့သည်။
"သူတို့ကတကယ်ပဲ...မသိကြသေးဘူးလား?"
အမေးဆိုလာသော ကျန်းရှီနင်လည်ပင်းကျောများက ထောင်နေပြီး မျက်နှာမှာ ရှုံ့မဲ့နေကာ ရွှဲရှန်နှင့်ရွှမ်းမင်ဆီမှ အဖြေစကားကို ကြောက်လန့်တုန်လှုပ်လျက် စောင့်ဆိုင်းနေသည်။
ရွှဲရှန်မှ
"သူတို့ဘာမှမသိသေးဘူးလို့တော့ငါမပြောဘူး..မင်းကြည့်လိုက်ရင်––"
အခြားရထားလုံးများရှိရာသို့ မေးငေါ့ပြကာ
"အဲ့ဒီမြင်းကတစ်ချိန်လုံးကြောက်လန့်နေတာ..တံတားမှာတုန်းကလည်းအမာရွတ်လူနဲ့လီမျိုးနွယ်ကိုကြည့်ရတာဒီကိုလာဖို့တော်တော်လေးတွန့်ဆုတ်နေတဲ့ပုံပဲ..မသိစိတ်ကဒီလမ်းကိုရှောင်ဖို့ပြောနေတာထင်တယ်"
တစ်စုံတစ်ရာ ကံဆိုးမိုးမှောင်ကျတော့မည်ဖြစ်ကြောင်း စိတ်ကထင်မိလျှင် ရှောင်ကွင်းသွားချင်ကြသည်မှာ လူ့သဘောသဘာဝပင်။
YOU ARE READING
Copper Coins《铜钱龛世》
Historical FictionNovel : tongqiankanshi(铜钱龛世) Author : Mu Su Li 木苏里 English translator : jiaqikangjiaqi Chapters : 102+extra တသီးတသန့်နေရတာသဘောကျ၍တည်ငြိမ်သူဘုန်းတော်ကြီးရွှမ်းမင် (ဘုန်းတော်ကြီးအစစ်မဟုတ်)နှင့် အများနှင့်မတူတမူထူးခြားသောဒေါသအိုးရွှဲရှန့် MC(shou) is h...