Chapter 40 (U+Z)

6.4K 1.2K 90
                                    

-Unicode-

အခန်း ၄၀: စကြဝဠာတစ်ခုလုံးက သူ့ကိုရဖို့ လုနေကြပြီ

မက်ခါဒီဇိုင်းဌာန

မက်ခါဒီဇိုင်းဌာနက ကျောင်းသားတွေ အရေအတွက်များများ ကျွမ်းကျိုးအတန်းကို တက်နိုင်အောင် ကျောင်းအုပ်ဒေးစွန်က အလွန်ကြီးမားတဲ့ ရုပ်မြင်သံကြားခန်းကို ပြန်ပြင်ဆင်ပြီး ခန်းလုံးကျွတ် ထည့်လိုက်တယ်။

ပြောရရင် အရင်တုန်းက ဒါက မက်ခါဒီဇိုင်းစာသင်ခန်းမဟုတ်ဘူး။ စိတ်ကြိုက်ဘာသာဖြစ်တဲ့ လောကဝတ်အတန်း အတွက် အခန်းဖြစ်တယ်။

ဒီနေ့မှာ လောကဝတ်အတန်း ရှိတဲ့ရက်ဖြစ်နေတယ်။ အဲဒါကြောင့် ကျောင်းသားတွေအများကြီးက အတန်းတက်ဖို့လာကြတယ်။ ဒါပေမဲ့ အတန်းအပြင်ဘက် မီတာအနည်းငယ်အလိုမှာပဲ တားမြစ်ခံလိုက်ရတယ်။

"အတန်းဖော် အနူးအညွတ်တောင်းပန်ပါတယ်။ ဒီအခန်းက လောလောဆယ် မက်ခါဒီဇိုင်းဌာနက အသုံးပြုနေပါတယ်။ လောကဝတ်အတန်းကို နောက်အခန်းကို ပြောင်းပေးထားပါတယ်။ ဒီအခြေအနေအသေးစိတ်ကို သိရှိလိုရင် အွန်လိုင်းက တရားဝင်ကျောင်းကြေညာချက်ကို ကျေးဇူးပြုပြီး ဖတ်ပေးပါ"

သူတို့ကို တားလိုက်တဲ့သူက တိုက်ခိုက်ရေးဌာန(Combat Department)က ကျောင်းသားတစ်ယောက်ဖြစ်တယ်။ ကျောင်းအုပ်ဒေးစွန်က အသေးစိတ်စီစဉ်တဲ့နေရာမှာ အရမ်းတော်တယ်။ သူက တိုက်ခိုက်ရေးဌာနက ကျောင်းသားတွေကို ဒီမှာအလှည့်ကျ စောင့်ကြပ်ပေးဖို့ စီစဉ်ထားတယ်။

နံပါတ်တစ်စစ်သင်တန်းကျောင်းဟာ အင်ပါယာမှာရှိတဲ့ နေရာစုံက ထူးချွန်ကျောင်းသားတွေ စုဝေးနေတာဖြစ်တဲ့အတွက် ကျောင်းသားတွေ အလွန်များတယ်။ လူတိုင်းက အတင်းအဖျင်းပြောဆိုရတာ နှစ်သက်ကြတာမဟုတ်ဘူး။ အဲဒါကြောင့် ဘာတွေဖြစ်နေမှန်း မသိသေးတဲ့သူတွေလည်း ရှိတယ်။

ဒီတစ်ခေါက်မှာတော့ ရှေ့တိုးလာတာက မက်ခါဒီဇိုင်းကျောင်းသားနှစ်ယောက်ဖြစ်တယ်။ သူတို့တွေထဲက တစ်ယောက်က ကျောင်းဂိတ်ဝမှာ ဆန္ဒပြတဲ့ထဲမှာ ဝင်ပါခဲ့တဲ့ ကျန်းကျွင်း ဖြစ်နေတယ်။

Worship Me, I Can Make You Rich (Myanmar Translation) U+Z (Complete)Where stories live. Discover now