رواية عشق على حد السيف
الفصل 14
إبتعدت زهره سريعا عن الباب وهي تشعر بالصدمه والخوف و عينيها ممتلئه بالدموع
لتبتعد سريعا خوفا من ان يراها سيف او الهام لتصطدم بسالي التي حاولت ان تتفاداها
= اه حسبي...
سالي بدهشه وهي ترى امتقاع وجه شقيقتها
=زهره ..مالك بترتعشي كده ليه انتي تعبانه
شعرت زهره بالدوار وهي تقول بهمس وهي تنظر خلفها بخوف نحو باب غرفة المكتب
= وطي صوتك..
سالي بدهشه
=ليه هو في ايه وموطيه صوتك كده ليه
زهره برجاء
= سالي انا محتجاكي اوي وعاوزه اتكلم معاكي انا حاسه اني مخنوقه و مش عارفه افكر
سالي بدهشه من حالة شقيقتها
= طيب تعالي معايا اوضتي نتكلم فيها
واحكيلي على الي انتي عاوزاه
هزت زهره رأسها بموافقه وهي تتجه مع سالي الى غرفتها لتغلق سالي باب الغرفه جيدا وهي تقول بفضول
= في ايه يا زهره مالك
زهره وهي تبكي بانهيار
= سيف ..سيف عاوز..عاوز ياخد مني مالك ويطردني من حياته
سالي بدهشه
= يطردك ..يطردك اذاي مش فاهمه
ارتمت زهره في حضن شقيقتها وهي تقول بانهيار
= سمعته بيكلم الهام وبيقولها انه ناوي يبعد مالك عني ..
انا...انا عارفه انه مستني لما اولد علشان ياخد ابني التاني كمان ..انا حاسه اني هموت ومش عارفه اعمل ايه
سالي بمكر وقد تضاعف املها في احتلالها مكانة شقيقتها عند سيف
= وانتي هتعملي ايه..هتسكتي لما ياخدهم منك
زهره بلهفه ودموعها تتساقط
= لاء طبعا مستحيل اسيب ولادي ..موتي عندي اهون..
لتتابع ببكاء
= بس هو عنده حق يا سالي يقول وبعمل اكتر من كده كمان.. انا الي غلطانه اني خبيت عليه كل الي حصلي قبل كده..
لتتابع وهي تقف بتصميم
= انا هحكيله على كل حاجه من اول ما امين اجبرني اني اسيبه
لحد ما أخد مني ابني وكدب عليا وفهمني انه مات
اكيد هيعزرني وهيعرف اني مش وحشه ذي ماهو فاهم
سالي بلهفه
= استني بس رايحه على فين.. اهدي كده وفكري شويه قبل ما تعملي اي حاجه.. انتي بتخاطري بحياتك مع ولادك مش لازم تتسرعي
زهره بخوف
= قصدك إيه
سالي بمكر
= قصدي مفهوم...افرضي سيف مصدقش كلامك
واكيد هيروح يواجه امين وامين اكيد مأمن نفسه كويس وهيجيب شهود يكذبوكي ويكذبو كلامك .
زهره بخوف
= بس سيف عارف امين كويس و
عارف أد ايه هو انسان وحش ومعندوش ضمير
سالي بتهكم
= ذي برضه ما سيف عارف انك انسانه وحشه ومعندكيش ضمير وبتحبي الفلوس اكتر من نفسك
