Unicode
ထပ်မံရောက်ရှိလာသော ကာကွယ်ရေးတပ်ဖွဲ့ဝင်များစွာကြောင့် မျောက်လူဟာ သူကိုယ်တိုင် ဝင်ရောက်တိုက်ခိုက်လာလေသည် ။
ကာတာရှီ စပွိုင်းများဖြင့် တိုက်ခိုက်ရင်း တိုက်ခိုက်မှုအား ဘေးဘက်သို့ ရှောင်တိမ်းရာ ညာဘက်အခြမ်းပေနှစ်ဆယ်ခန့်အကွာထိ ရွေ့သွားတာကို တွေ့လိုက်ရသည် ။
အနီရောင်အလင်းတခု တောက်ပလာပြီး လူတကိုယ်လုံး ပေါ့ပါးနေသလို ခံစားရပြီး ခြေထောက်များက အရမ်းကိုသွက်လက်နေသလို ခံစားရသည် ။
ရိုစလီနဲ့ ဂန်မင်ဟွန်း နှစ်ယောက် အတူတိုက်ခိုက်နေရာ ရိုစလီကိုယ်ထဲမှ အဝါရောင်အလင်းတခု တောက်ပသွားပြီး သူမ ကိုင်ထားသော စပွိုင်းကောင်ကို ဂုတ်ကနေမြှောက်က လွှတ်ပစ်လိုက်မိသည် ။ သေချာတာတခုက သူမ အားအရမ်းမသုံးထားပေ ။
စပွိုင်းသုံးကောင်က ဂန်မင်ဟွန်းအား လက်နက်ဖြင့် ရိုက်ချမည့်အချိန်တွင် ဂန်မင်ဟွန်း လန့်သွားပြီး နောက်ကို ခုန်၍တိမ်းရှောင်လိုက်တဲ့အခါ ဂန်မင်ဟွန်းကိုယ်ထဲမှ အနက်ရောင်အလင်းတောက်ပလာပြီး သာမန်မျှ ခုန်လိုက်တဲ့အားက အနောက်ဘက်ကို ပေအနည်းငယ်အထိ ကွာဝေးသွားသည် ။
ဂန်မင်ဟွန်း သူ့ခြေထောက်တွေရဲ့တုံ့ပြန်မှုကို ကြည့်ပြီး အနည်းငယ် အံ့အားသင့်သွားသည် ။
ပိုင်ဝေ့ရှင်း တိုက်ခိုက်နေရာမှ မျက်စိရှေ့ရှိ လူသုံးယောက်၏ ပြောင်းလဲမှုများအား သတိထားစောင့်ကြည့်နေသဖြင့် ထိုကိစ္စများကို မြင်တွေ့သွားသည် ။
" ဖြူလုံး ... သုံးယောက်တော့အစွမ်းရသွားပြီ.. ဟိုကောင်လေးကရော ဘာအစွမ်းရမှာလဲ.. ငါကရော ဘာအစွမ်းရမှာလဲ.. "
" hostကလဲ လာမှာပေါ့ဖြေးဖြေးပေါ့... ခဏလောက်စောင့်လိုက်ပါ..."
"......"
ပိုင်ဝေ့ရှင်း ထိုကောင်လေးအား သတိထားပြီး ကြည့်ရာ ကောင်လေးရဲ့လက်အသားအရည်မှာ အြပာရောင်တောက်သွားတာကို တွေ့လိုက်ရသည် ။
ယုကီအီ မိမိလက်နှစ်ဖက်ဖြင့် တိုက်ခိုက်မှုများကိုခုခံနေပေမဲ့ နာကျင်မှုမခံစားရတာကိုသတိထားမိလာသည်။ တချက်ပြီးတချက် အရိုက်ခံနေရပေမဲ့ အသားနာခြင်းမရှိပေ ။
YOU ARE READING
ချစ်သောဗီလိန်လေး 2 (Ongoing)
Action#DZ ၂၁ရာစုသမီးပျိုလေး ကားမတော်တဆဖြစ်ရာနေ system 1005နှင့်တွေ့ဆုံပြီးနောက် ............ ဒီဇာတ်လမ်းကတော့ ပါဝါရိန်းဂျားဇာတ်ကောင်များကိုအခြေခံထားသောဇာတ်အိမ်တခုဖြစ်ပါသည်။ ဤဇာတ်လမ်းသည် စာရေးသူ၏စိတ်ကူးယဥ်မှုသက်သက်သာဖြစ်သည်။ ဘာသာပြန် လုံးဝလုံးဝမဟုတ်ပါ။ ပါ...