(unicode)
လက်၊ ခြေထောက်တို့ကိုတန်း၍ ပါးစပ်အကျယ်ကြီးဟလျက် အကျောဆန့် သန်းဝေလိုက်သည်။ အိစက်နေသည့် အတွေ့အာရုံကြောင့် ရုတ်တရက်လန့်သွားသည်။ မျက်လုံးတို့ကို အဆုံးထိဖွင့်၍
ဝင့်ကြည်လိုက်လျှင် ရောက်နေသည်မှာ အိပ်ခန်းကျယ်ကြီးတစ်ခုထဲ။
ခေါင်းအေးအေးထားပြီး ပြန်တွေးကြည်လိုက်
တော့ ဦးလေးကြီးကားထက် မုန့်စားနေခဲ့ချိန်မှစ...
" နိုးပြီးလား "
အသံလာရာဘက်ကိုကြည်လိုက်လျှင် အခန်းတွင်းမဝင်လာဘဲ အခန်းဝတွင်ရပ်နေသော ဦးလေးကြီး၏မျက်နှာတည်ကို တွေ့လိုက်ရ၏။
" ဘာကြောင်ကြည်နေတာလဲ၊ ညစာ စားချိန်ရောက်ပြီး၊ အောက်ထပ် ဆင်းလာခဲ့ "
ထမင်းစားပွဲမည်သော စားပွဲရှည်ကြီး၏ အနံနှစ်ဖက်တွင် စွယ်သော်လင်းက တစ်ဖက် ဦးမင်းထွဋ်ခေါင်က တစ်ဖက်ဖြင့် ရှိနေသည်။ အလယ်တွင် တစ်ဖက်ခြောက်ယောက်မျှ ခြားထိုင်နိုင်သည့်အထိရှိသော ခုံ ၁၂ လုံးတို့က အစီအရီရှိနေသည်။ ဟင်းပွဲတို့သည်မှာလည်း တစ်ဦးစီးအတွက် သီးသန့်ပြင်ထားခြင်းပင်။ စားပွဲထက်ခင်းကျင်းထားသော ပန်းကန်တို့ကိုကြည်လျက် ဦးဒေါင်းမာန် သည် ဘာကြောင့်များ...
" ဟေ့ ! ဟိုဟာလေး ငေးမနေနဲ့၊ ညကျရင် သွားပျော်ဖို့ခေါ်သွားပေးမယ် "
စွယ်သော်လင်းဘာမှ ပြန်မပြောချင်မိ။ ထို့ကြောင့် စားစရာရှိတာကိုပင် ခေါင်းတစ်ချက်ညိတ်ပြပြီး ဆက်စားနေလိုက်သည်။ ပုံမှန်တတ်ကြွနေသူမှာ တိတ်ဆိတ်နေ၍ ဦးမင်းထွဋ်ခေါင် ဘဝင်မကျဖြစ်ရသည်။
" ထ အပြင်သွားကြမယ် "
TV ရှေ့ မလှုပ်မရက်ထိုင်နေသူကို ဦးမင်းထွဋ်ခေါင် စကားစလိုက်သည်။ စကားသံကြောင့်
မော့ကြည်လိုက်လျှင် တတ်ကြွနေဟန်အပြည့်နှင့်ဦးလေးကြီးကို တွေ့ရ၏။
" မလိုက်တော့ဘူး ဦးလေးကြီး "
" ဘာလို့လဲ၊ အပြင်လေးဘာလေးထွက်မှ စိတ်ပြန်လန်းလာမှာ "
" ကျွန်တော်မသောက်နိုင်ဘူး။ ဦးလေးကြီးအ တွက် အလုပ်ရှုပ်စေလိုက်လိမ့်မယ် "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
