Unicode
အခန်း(၄၆ - ၁) - ရှေးဟောင်းနှောင်းဖြစ်များ
ယခင်ရှန်ကျစ်ရှန်းက အရေခွံလဲမိစ္စာနှင့် အကျွမ်းတဝင်ဖြစ်ခဲ့ခြင်းမှာ တိုက်ဆိုင်မှုကြောင့်သာဖြစ်သည်။
သူမကို သူတွေ့တဲ့ အချိန်တုန်းက သူသည် ကျင့်ကြံခြင်းမှာ အထွတ်အထိပ်မရောက်သေးသည့် လူငယ်လေးတစ်ယောက်သာ။ သူက အရာအားလုံးကို စူးစမ်းလိုသည့် အသက်အရွယ်သာ ရှိနေခဲ့သည်။ ဒါ့အပြင်သူက ဂိုဏ်းအတွင်းမှာ နှစ်ပေါင်းများစွာ လုံ့လရှိရှိ ကျင့်ကြံနေခဲ့တာကြောင့် ထိုကဲသို့ လူသူစည်ကားပြီး ဆူညံလှသည့် နေရာမျိုးအား တွေ့ရခဲလှ၏။ ထို့ကြောင့်လည်း မနေနိုင်စွာနဲ့ တစ်ထောက်နားကာ လှည့်ပတ်ကြည့်မိခြင်းပင်။
ဖြစ်ချင်တော့ မြို့တော်ရဲ့ အခြေက မြစ်ကမ်းတစ်လျှောက်မှာ တည်ရှိပြီး ကျယ်ဝန်းသည့် မြစ်ပေါ်တွင် သာယာလှပသည့် လှေငယ်လေးပေါင်း များစွာရှိကာ တောက်ပစွာ ထွန်းလင်းနေသည်။ တစ်ချို့က ရောင်စုံမီးပုံးများ တစ်ချို့က ပိုးဖဲကြိုးများဖြင့် အလှဆင်ထားလေသည်။ အလှလေး အမျိုးမျိုးတို့ကလည်း လက်ရမ်းတွင် ရပ်ကာ ချစ်စရာကောင်းသည့် ဆွဲဆောင်မှုရှိသော မျက်လုံးများဖြင့် ကြည့်နေကြသည်။
သိချင်မြင်ချင်စိတ်ရှိနေသည့် ဆွေ့ရှန်းက ကြုံရာလှေတစ်စင်းထဲ ဝင်သွားလိုက်သည်။
အဲ့ဒီအချိန်တုန်းက သူသိတာ သိပ်မရှိဘူးလေ။ အဲ့ဒါကြောင့် မီးပုံးနဲ့ အလှဆင်ထားတဲ့ လှေထဲ ဝင်မိသွားခဲ့တယ်။ အထဲကို သူရောက်ရောက်ခြင်းမှာပဲ လူတိုင်းက သူ့နားမှာ ဝန်းရံလာကြပြီး သူ့ကိုလှုပ်ဖို့တောင် ခက်ခဲအောင် လုပ်ကြလေရဲ့။
သူ့ရဲ့ မူလရုပ်ရည်က ထင်ရှားလွန်းတာကြောင် သူ့အသွင်အပြင်ကို နည်းနည်းလေး ပြောင်းလဲထားရသည်။ သူ့ရုပ်ရည်က သိပ်မပြောင်းလဲ သွားပေမယ့်လည်း လူတွေကို အလွယ်တကူ မေ့သွားအောင်တော့ ပြုလုပ်နိုင်သည်။
သို့တိုင်အောင် သူ့ရဲ့ စိတ်နေစိတ်ထားကိုတော့ ဖုံးကွယ်ထားလို့ မရပေ။ သူ့ရဲ့ ပုံရိပ်ယောင်ပုံစံကို သာမာန်လူများ မမြင်နိုင်ပေမယ့်လည်း သူ့ရဲ့ မြင့်မြတ်တော်ဝင်သည့် စိတ်နေသဘောထားကိုတော့ ခံစားလို့ရနိုင်ကြသေးသည်။ ရလဒ်အနေနဲ့ မိန်းကလေးတွေရော လူငယ်လေးတွေရော အားလုံးက သူ့ကို ဧည့်သည်ကြီး တစ်ယောက်လိုမျိုး ယူဆကြပြီး သူ့အာရုံကို ဖမ်းစားနိုင်ဖို့ အတတ်နိုင်ဆုံး ကြိုးစားကြတော့၏။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
