Unicode
အခန်း(၄၆-၂) - ရှေးဟောင်းနှောင်းဖြစ်များ
အလှတရားများက သောင်းချီပြီး ရှိနေတာဖြစ်သည်။ အရေခွံလဲမိစ္ဆာဆီမှာ စာရွက်နဲ့ ကလောင် ရှိနေသ၍ ထိုသောင်းချီသည့် မျက်နှာအမူအယာများကို တုပနိုင်၏။
သိပ်မကြာခင်မှာပဲ သူမက လှပတဲ့ မျက်နှာ လေးခု ငါးခုလောက် ပြောင်းလဲပြပြီး တစ်ခုခြင်းဆီတိုင်းက ပန်းနံမည်များဖြင့် လိုက်ဖက်လှပေသည်။
ရှန်ကျစ်ရှန်းက ပြုံးလိုက်ပြီး ဝိုင်ကို ဖြည်းညှင်းစွာဖြင့် သောက်လိုက်သည်။ ရန်ကျင်းက ရိုးရှင်းစွာပင် သူမအား ဆက်မကြည့်တော့။ ရှန်ကျစ်ရှန်းအား ဝိုင်ငှဲ့ပေးသည့် အပေါ်မှာသာ အာရုံစိုက်လိုက်တော့သည်။ ရှန်ကျစ်ရှန်းရဲ့ ခွက်ထဲမှာ လွတ်သွားတာနဲ့ ရန်ကျင်းက သူ့အတွက် နောက်တစ်ခွက် ထပ်ငှဲ့ပေးလိမ်မည်။
အရေခွံလဲမိစ္ဆာ: "..."
ဆွေ့ရှန်းက တကယ့်ကို ကြည့်ကောင်းတဲ့ ရုပ်ရည်ရှိပေမယ့် နှလုံးသားကတော့ ကျောက်တုံးလိုပဲ။ သူမသူ့ကို သိခဲ့တာ နှစ်ပေါင်းများစွာ ကြာသွားခဲ့ပြီ။ ဒါပေမဲ့ သူမဘယ်တုန်းကမှ မထင်ခဲ့မိတာက သူ့ရဲ့ တပည့်ကလည်း သူနဲ့တစ်ပုံစံတည်း ဖြစ်နေမယ် ဆိုတာကိုပဲ
ဒီလူက သူ့တပည့်ဖြစ်ဖို့ ထိုက်တန်ပါပေတယ်, ပျော်စရာကို မကောင်းဘူး
သူမက မျက်မှောင်ကျုံ့လိုက်ပြီး ခဏတာ ရေရွတ်ပြီးနောက်မှာ သူမရဲ့ ကလောင်ကို နောက်တစ်ဖန် ထပ်မြှောက်လိုက်ပြန်သည်။
ဒီတစ်ခေါက်တော့ သူမက နီစွေးနေသည့် ဝတ်စုံကို ဝတ်ဆင်ထားသည့် စွဲလမ်းဖွယ် ကောင်းလှသော အလှလေးတစ်ယောက်အသွင် ပြောင်းလိုက်သည်။ သူမရဲ့ မက်မွန်ပန်း မျက်လုံးလေးများက တောက်ပနေပြီး ညှို့အားပြင်းမှုများဖြင့် ပြည့်နှက်နေသည်။ ဒါ့အပြင် သူမရဲ့ လှုပ်ရှားမှုတိုင်းကလည်း သွေးဆောင်ဖြားယောင်းနေလေ၏။
လှပတဲ့ အမျိုးသမီးက သူမရဲ့ မျက်နှာကို ကိုင်ကြည့်လိုက်ပြီး သေချာဝတ်ဆင်ထားရဲ့လား ဆိုတာအား အတည်ပြုလိုက်သည်။ ထို့နောက် သူမရဲ့ နှုတ်ခမ်းအား အပြုံးဖျော့ဖျော့အသွင် ကွေးညွှတ်လိုက်ပြီး သူတို့တွေ သူမကို ခုခံနိုင်ရဲ့လား ဆိုတာသိနိုင်ရန် မျက်လွှာကို ပင့်ကြည့်လိုက်သည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
