part 35

52.1K 5.6K 554
                                    

!ရှင်းခန့် ဘာဖြစ်လို့ ဒီလိုမျိုး လုပ်တာလဲ...!

!ရှင်းခန့်က Gayလား ဒေါနကို စိတ်ဝင်စားနေတာလား...!

ဒေါနနှင့် သူ့ရဲ့ကြားမှာတောင် ဖြေရှင်းလို့မရတဲ့ ပြဿနာများစွာဖြင့် ရှုပ်ထွေးနေခဲ့တာ ရှင်းခန့်ကပါ ဘယ်ကဘယ်လို ပါဝင်ပတ်သတ်လာရတာလဲ။သေချာပြန်တွေးကြည့်တော့လည်း ရှင်းခန့်ဆိုတာ သူနှင့်ဒေါနရဲ့ကြားမှာ မေ့ပျောက်ထားလို့ မရတဲ့လူ့ဖြစ်သည်။ရှင်းခန့်နှင့် ဆက်နွယ်၍ ဒေါနနှင့်တွေ့ဆုံခဲ့ရသလို ရှင်းခန့်နှင့်ပတ်သတ်၍လည်း ဒေါနအပေါ် အမြင်မကြည်မှုတွေ စတင်ခဲ့ရတာဖြစ်သည်။ငယ်စဉ်ကတဲက ရှင်းခန့်ဆိုတာ သူ့အတွက်တော့ ညီငယ်လေးတစ်ယောက်လို ဖြူစင်စွာ ချစ်ခင်စောင့်ရှောက်ခဲ့ရတဲ့ သူမလို့ ရှင်းခန့်အပေါ်မှ တစ်ခါလေးတောင်မှ အမြင်မစောင်းခဲ့ဖူးပေ။

အခု အခန်းထဲမှာ မြင်ခဲ့ရတဲ့ မြင်ကွင်းကိုတော့ မျက်လုံးထဲကနေ ဘယ်လိုမှ ဖျောက်ဖျက်ပစ်၍ မရပါပဲ ထပ်တလဲလဲ မြင်ယောင်နေမိတော့သည်။ရှင်းခန့်က တကယ်ပဲ gayလား။သူတို့ အတူတူ ရင်းနှီးခဲ့တဲ့ ကာလတစ်လျှောက်လုံးမှာလည်း ရှင်းခန့်ဆီကနေ ယောက်ျားတစ်ယောက်ကို ကြိုက်နှစ်သက်တဲ့ အမူအယာမျိူး တစ်စွန်းတစတောင် မမြင်တွ့ခဲ့ရဖူးပေ။အခုလို ရှင်းခန့်လုပ်လိုက်တာက ဒေါနရဲ့ ဖြစ်တည်မှုကို တမင်တကာ နှိမ့်ချလှောင်ပြောင်လိုစိတ်လား..ဒါမှမဟုတ် ဒေါနအပေါ်မှာ မရိုးမသားခံစားချက်တွေ ရှိနေခဲ့လို့လား။ရုတ်တရက် ဆန်လှတဲ့ အခြေအနေများကို လိုက်မှီစေဖို့ စစ်နိုင်း အသဲအသန်တွေးတောနေရသည်။

ဟိုးငယ်ငယ်ကတည်းကနေ အခုအချိန်အထိ ရှင်းခန့်နှင့်ဒေါနရဲ့ကြားမှာ အမှန်တကယ် ဘယ်လိုဆက်ဆံရေးမျိုး ရှိသလဲဆိုတာကို သူတစ်ခါမှ စိတ်မဝင်စားခဲ့ဖူးပေ။ပြဿနာဖြစ်ကြတိုင်းလည်း ဂျစ်ကန်ကန်ဒေါနထက် ပိုပြီးအားနည်ပုံရတဲ့ ရှင်းခန့်၏ဖက်မှာသာ ရပ်တည်ဖြစ်ခဲ့သည်။ဘယ်တုန်းကမှ သူတို့နှစ်ယောက်၏ ကြားထဲမှ ပြဿနာများကို အသေးစိတ်မဆန်းစစ်ခဲ့ဖူးပေ။ဘယ်လို အခြေအနေမှာပဲဖြစ်ဖြစ် ရှင်းခန့်ကိုသာ အပြည့်အဝ ယုံကြည်ပေးမိခဲ့သည်။ဒေါနဆိုတဲ့ လူသားလေး၏ ဖက်ခြမ်းကိုတော့ တစ်ခါမှ မကြည့်ဖူးခဲ့။

Green Eye(complete)Where stories live. Discover now