Unicode
သခင်ကြီးကျောင်းစီက မေးတယ်, "ဒါဆို မင်းတို့နှစ်ယောက်က ဘာလို့ ဒီလိုပုံစံနဲ့ ဒီကို ရောက်လာကြတာလဲ? ငါ မင်းကိုအကြိမ်ကြိမ်ပြောပြီးပြီနော်, သူက တော်တော်အသက်ကြီးနေပြီ, ငါတို့ကျောင်းမိသားစုက ငါတို့ရဲ့ဂုဏ်သိက္ခာကို ထိန်းဖို့လိုအပ်တယ်, ရိရှင်ရာ, မင်းက သူ့ထက် ပိုရင့်ကျက်ပါတယ်, သူ့ကို အမြဲတမ်း အလိုမလိုက်နဲ့လေ, မင်းလည်း သူ့ကို ထိန်းရမှာပေါ့, မင်းက သူနဲ့အတူ ဘယ်လိုတောင် ဆိုးနေရတာလဲ?"
ကျောင်းကုန်းဇီရဲ့မျက်ခုံးတွေ တွန့်သွားတယ်, "ငရဲလိုပဲ သူက ကျွန်တော့်ကို ထိန်းနိုင်တာလေ!"
ဆယ့်သုံးယောက်မြောက်မဒမ်က သူ့ကို ဆူတယ်, "မင်း အဖေကို ဒီလိုပဲ ပြောရလား?"
ကျောင်းကုန်းဇီက ပြန်ထိန်းပြီး ပြောတယ်, "ကျွန်တော် အဖေနဲ့ ပြောစရာရှိတယ်, နှစ်ယောက်တည်းပဲ"
ငါ သူ့ကို စိုးရိမ်တကြီး ကြည့်လိုက်မိတယ်။
သခင်ကြီးကျောင်းစီက ငါ့ကို စိုက်ကြည့်လာတယ်, "ရိရှင်, မင်း သူမကို အနားယူဖို့ လိုက်ပို့ပေးလိုက်, နောက်မှ ပြန်နားထောင်ကြည့်တော့"
ငါ့မှာ အသက်ရှင်ဖို့ အချိန်နည်းနည်းပဲ ကျန်တော့တယ်။ ဆယ့်သုံးယောက်မြောက် မဒမ်ကို လိုက်ပို့ပြီးတာနဲ့ ငါ့ရဲ့အသက်ကို စွန့်လွှတ်ရလိမ့်မယ်။
ငါ စာဖတ်ခန်းတံခါးဆီ လာပြီး တံခါးဖွင့်လိုက်တော့ ကျောင်းကုန်းဇီက ငါ့ဘက်ကို ကျောပေးပြီးထိုင်နေတာကို တွေ့လိုက်ရတယ်။
သခင်ကြီးကျောင်းစီက ငါ့ကို မေးတယ်, "ဘာကိစ္စလဲဆိုတာ သိလား?"
ဒီနေရာမှာ ငါပြောသမျှစကားတိုင်းဟာ ငါ့အတွက် ဝန်ခံခြင်း ဒါမှမဟုတ် သက်သေတွေဖြစ်လာမှာဖြစ်တဲ့အတွက် ငါ နှုတ်ဆိတ်နေလိုက်တယ်။
ကျောင်းကုန်းဇီက စိတ်မရှည်စွာ ပြောတယ်, "ကျွန်တော် သူနဲ့ မအိပ်ချင်တော့ဘူး, သူကလည်း ထွက်သွားဖို့ ဆန္ဒမရှိဘူး"
သခင်ကြီးကျောင်းစီက ငါ့ကို ကြည့်တယ်။
ကျောင်းကုန်းဇီရဲ့ဒေါသက ပေါက်ကွဲလာတယ်, "သူက မိသားစုက ကောက်ယူထားတဲ့လူသက်သက်ပဲလေ, သူက တကယ်ပဲ ကျွန်တော့်ရဲ့မိန်းမလို့ ထင်နေတာလား? ကျွန်တော် ထပ်မကစားချင်တော့ဘူးဆိုရင် သူ့ကို ဖယ်လိုက်လို့မရဘူးလား? ဖေဖေ ဘာလို့ သူ့ကို ကြည့်နေတာလဲ? ကျွန်တော် သူ့ကို စွန့်ပစ်ချင်တယ်ဆိုရင် သူ့ခွင့်ပြုချက်ကို ကျွန်တော်က တကယ်ပဲ လိုသေးလို့လား?"
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
