(unicode)
အခန်းတံခါးပွင့်လာလျှင် မျက်နှာတည်နေသော ဂျိုးဇက်ကို ဦးစွာတွေ့လိုက်ရ၍ ဘေးသို့ အမြန်ကပ်လျက် သွားလမ်းပေးလိုက်သည်။ ပြီးမှလျှင် သခင်ကြီးဦးမင်းမောင်ရှိရာ အခန်းတွင်းသို့ ဝင်ခဲ့လိုက်သည်။
" ဒေါက်တာ "
" ဗျာ သခင်ကြီး "
" ဘဘကြီးလို့ခေါ်ဖို့ ပြောထားတယ်လေ၊ ဒေါက် တာက လက်အောက်ငယ်သား အလုပ်သမားမဟုတ်ဘူး။ သူတို့လို့ လိုက်ခေါ်စရာမလိုပါဘူး "
" ဟုတ်ကဲ့၊ သွေးပေါင်ချိန်ကြည့်ရအောင် "
" ဘာသိချင်လို့လဲ။ သိချင်ရင် မေးလေ "
တစ်ခုခုကိုပြောချင်နေပုံရသော ရှေ့မှဒေါက်တာလေးကိုကြည်၍ ဦးမင်းမောင်မေးခွန်းထုတ်လိုက် ၏။
" ဟို ဟိုဒီ ကိစ္စ။ ဒေါင်းမာန်ဆိုတာ XZ အုပ်စုက မလား။ သူတို့လည်း ဘဘကြီးတို့ လို့ အင်း..."
" ဒေါင်းမာန်ကိစ္စလား "
မေးချင်သော်လည်း မဝံ့မရဲဖြစ်နေသူကိုကြည်၍ စကားကူဆို ပေးလိုက်သည်။
" အင်း "
" ဟူး...ဒေါင်းမာန်ကိစ္စဆိုတာထက် သူ့အဖေကိစ္စဆို ပိုမှန်တယ်ကွယ်။ ဟင်း..."
ပင့်သက်ချလိုက်ပြီး တစ်အောင့်ကြာမှ စကား ဆက်လာ၏။
" အကြောင်းရာအကျဥ်းရယ်ဆိုရရင်တော့ ဘဘကြီးရဲ့ သမီးသေဆုံးမှုမှာ မင်းထွဋ်ခေါင်ပါဝင်ပတ်သက်နေလို့ပဲ။ ဒါကြောင့် သူ့သားကို စောင့်ကြည်နေတာ။ သားသမီးဆုံးရှုံးခဲ့ရတဲ့ ဖခင်တစ်ယောက်ရဲ့ခံစားချက်ဝေဒနာကို ကိုယ်တိုင်ခံစားကြည့်ခိုင်းမလားလို့လေ။ မဟုတ်မှ ဒေါက်တာလေးက XZ အုပ်စုမှာ ရှယ်ယာဝင်ထားလို့လား "
" မဟုတ်ပါဘူးဗျ။ ဒီတိုင်း "
" အခွင့်ရရင်ဝင်ထားတာ မမှားဘူး ဒေါက်တာလေး။ စီးပွားရေးနယ်ပယ်မှာ XZအုပ်စုက top
ပဲမလား "
" ဟုတ် ဟုတ်ကဲ့ "
ဂျိုးဇက်သည် စိတ်ရှုပ်ထွေးမှုရှိချိန်တိုင်း အရက်သောက်ခြင်း၊ အပျော်ပါးရှားခြင်းတို့ဖြင့် စိတ်အေးချမ်းမှုရှာဖြစ်၏။ လက်ရှိ၌ အရက်သောက်နေသော်လည်း စိတ်သည် မအေးချမ်းနိုင်သေး။ အပျော်ပါးအတွက် ခေါ်ထားသောကောင်လေးကိုလည်း ပြန်လွတ်လိုက်ပြီး ဖြစ်၏။ စိတ်အစဥ်တွင် အတွေးတချို့တို့ဖြင့် ရှုပ်ယှက်ခက်နေပေသည်။
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
