ကကြိုးရုပ်[ Complete ]

Extra...1

အခုဆိုရင် ဆက်နောင်ခမ်းနဲ့သက်နောင်ခမ်း
ဟာ မူကြိုစတတ်တဲ့အရွယ် လေးတွေပင်
ရောက်နေပြီဖြစ်လေသည်။

ကျောပိုးလွယ်အိတ်သေးသေးလေးတွေကို
လွယ်ပြီးအကျီဆင်တူလေးတွေနဲ့ ညီအကို
နှစ်ယောက် မူကြိုကျောင်းဝကနေလက်ချင်း
တွဲပြီးလျှောက်လာကြလေသည်။

အမြွှာတွေဖြစ်ပေမဲ့ ဆက်နောင်ခမ်းကအနေ
အေးပြီးမာနကြီးကာ စကားကိုအပိုအလိုသိပ်
မပြောဘဲ ထက်မြက်သည့်ပုံစံမျိုး။
သက်နောင်ခမ်းကတော့ စပ်စလူးလေးဖြစ်သ
လို စကားသွက်ကာ လူရည်လည်ပြီး အပေါင်း
အသင်းဆန့်တဲ့ပုံစံလေးပင်။

အမြွှာလေးတွေကို ကျူရှင်ကျောင်းရှေ့မှာ
အသက်ကအမြဲလာကြိုပြီး သူရကနေ့တိုင်း
ကားနဲ့အသွားအပြန်ကြိုပို့ပေးလေသည်။
နည်းနည်းလေးတောင်အထိအခိုက်မခံဘဲ
လင်နဲ့သားနှစ်ယောက်ကို စောင့်ရှောက်ဖို့
Bossက အမိန့်ပေးထားတာကြောင့် သတွေမ
တိမ်းလုပ်ဆောင်ရလေသည်။ မဟုတ်ရင်
သူနေစရာနေရာတောင်ရှိမှာမဟုတ်။Bossက
အသက်နဲ့သူ့သားနှစ်ယောက်ကို ငုံ့ထားမတတ်
ချစ်တဲ့လူမျိုးဆိုတော့ သူအနေနဲ့ပိုသတိထား
ရလေသည်။

အသက်ကတော့ မူကြိုကျောင်းရှေ့ရောက်
တာနဲ့ မူကြိုကျောင်းရှေ့က ကလေးစကား
ကွင်းသေးသေးလေးမှာ သွားဆော့ပြီး တ
ယောက်တည်းတကုတ်ကုတ်နှင့်ဆော့ကာ
အမြွှာနှစ်ယောက်ထွက်လာသည့်အထိစောင့်
ပြီး အိမ်အတူပြန်ကြသည်က ထုံးစံလိုပင်။

"ဒါလေးတွေက ဘယ်လောက်လဲ ဒီအရုပ်လေးတွေလေ"

"ကားအရုပ်လေးတွေလား တစ်ခုကို တစ်
ထောင်ဘဲပေး ဘယ်နှခုယူမှာလဲ"

တယောက်တည်းဆော့နေရင်း မျက်စီရှေ့က
အရုပ်ဆိုင်လေးဆီအာရုံရောက်သွားပြီး ကား
ရုပ်သေးသေးလေးတွေကိုမြင်ပြီး သူ့ရဲ့လုံး
လုံးလေးတွေကို သတိရသွားလေသည်။

"ဒီပိုက်ဆံနဲ့ဘယ်နှစ်ခုရလဲ"

ဘောင်းဘီအိတ်ထဲကထွက်လာတဲ့ ပိုက်ဆံအ
ကြွေလေးတွေ။ဒါတောင် သူရက အသက်နဲ့
အတူမုန့်ဆိုင်မှာ မုန့်ဝင်ဝယ်ရင်း ဟိုကပြန်အမ်းတာကို မေ့ပြီးမယူခင် အသက်
ကယူလာခြင်းဖြစ်လေသည်။ ခမ်းက အ
သက်ကို ပိုက်ဆံကိုပေးမသုံးသလို အသက်
ကလည်း ပိုက်ဆံကိုကိုင်သုံးစွဲဖို့မလိုဘူးလေ။