Worship Me, I Can Make You Rich (Myanmar Translation) U+Z (Complete)

Chapter 43 (U+Z)

-Unicode-

အခန်း ၄၃: ကိုယ်မင်းကို နမ်းရှိုက်ချင်တယ်၊ ဖက်ထားချင်တယ်

ဝမ်ရှောင်းယွင်က ချန်ကျင့်ရွှယ် သူ့ရဲ့အီမိုဂျီပုံကို အွန်လိုင်းပေါ်တင်လိုက်တာအတွက် အောင်မြင်စွာ လက်စားချေလိုက်နိုင်တယ်။ အပြန်လမ်းမှာ သူက တစ်လျှောက်လုံး စိတ်အခြေအနေ တော်တော်လေးကောင်းနေတယ်။

အခု ကျွမ်းကျိုးက တစ်နေ့ကို တစ်ချိန်ပဲ စာသင်စရာလိုသေးတယ်။ ဒါပေမဲ့ ကျောင်းအုပ်ကြီးက သူ့အတွက် အစီအစဉ်တွေ လုပ်ထားပြီးသား။ မနက်ဖြန်ကစပြီး အတန်းနှစ်တန်း သင်ရတော့မယ်၊ မနက်မှာ တစ်တန်း၊ နေ့လယ်မှာ တစ်တန်း။

မနက်အတန်းပြီးသွားတာနဲ့ သူက အလုပ်ပြီးသွားပြီ။ ဒါပေမဲ့ ဝမ်ရှောင်းယွင်က အလုပ်မပြတ်သေးဘူး။

အဲဒါနဲ့ ကျွမ်းကျိုးလည်း ဝမ်ရှောင်းယွင်နဲ့အတူတူ တတိယတပ်ဖွဲ့ကို လိုက်လာခဲ့တယ်။

လမ်းမှာ သူ့ရဲ့ဆက်သွယ်ရေးစက်က အကြိမ်အနည်းငယ် မြည်နေခဲ့တယ်။ ပထမတစ်ကြိမ်တုန်းက ကျွမ်းကျိုးပြန်ဖြေခဲ့တယ်။ အဲဒါက သူစိမ်းတစ်ယောက် ဖြေလာတယ်။ သူတို့ရဲ့သခင်က ကျွမ်းကျိုးနဲ့ တွေ့ချင်နေတယ်လို့ ပြောတယ်။

ကျွမ်းကျိုးက ဘယ်သူလဲလို့မေးပေမဲ့ တစ်ဖက်လူက ပြန်မဖြေခဲ့ဘူး။ လာတွေ့ရင်သိလိမ့်မယ်လို့ ပြောနေတယ်။

ကျွမ်းကျိုးကလည်း ငတုံးမှမဟုတ်တာ။ တစ်ဖက်လူက မပြောချင်မှတော့ သူက စိတ်ရှုပ်ခံမနေတော့ဘဲ တန်းပြီး ဖုန်းချလိုက်တယ်။

အဲဒီလိုနဲ့ တစ်ဖက်လူက မရပ်မနားဖုန်းတွေခေါ်နေတော့တယ်။

ကျွမ်းကျိုးက ပြန်မဖြေတော့ဘူး။

ငါးခါမြောက်ခေါ်ပြီးတဲ့နောက်မှာ မက်ဆေ့တစ်ခု ဝင်လာတယ်။

"ကျွန်တော်က ဘယ်ရွန်ပေါ်သွင့်ရဲ့အိမ်တော်ထိန်းပါ။ ဘယ်ရွန်က ကျွမ်း-လောင်ရှီးနဲ့ ပူးပေါင်းဆောင်ရွက်ဖို့ကိစ္စ ဆွေးနွေးချင်နေပါတယ်"

ဒီအကြောင်းကိုမြင်တော့ ကျွမ်းကျိုးက ဝမ်ရှောင်းယွင်ကို မေးတယ်: "ဒီဘယ်ရွန်ပေါ်သွင့်ဆိုတာ ဘယ်သူလဲ"