Extra 7
လက်လျှော့ခဲ့ဖူးတယ်..
ကံကြမ္မာကို ယိုးမယ်ဖွဲ့လို့ မသက်ဆိုင်ချင်သယောင်
ဟန်ဆောင်ခဲ့ဖူးတယ်။
ဘယ်သူသိနိုင်မလဲ..
ငိုရှိုက်သံလေးတသဲ့နဲ့ စိုးရိမ်စိတ်လေးတဖဲ့ဟာ
သေမဲ့လူကိုတောင် နိုးထစေနိုင်ပြန်သတဲ့။
….
မျက်စိထဲ အကို့မျက်နှာလေးကို မြင်ယောင်ရင်း သေနေတဲ့ ဒီခန္ဓာကိုယ်ကြီးကို ဇွတ်အတင်း ယမ်းခါလိုက်တော့.. အုန်းခနဲ ကျွန်တော် ပြုတ်ကျသွားတော့တယ်။ တကိုယ်လုံးမှာ ရှိသမျှ အကြောတွေက ထုံကျင်နေပြီး ကြမ်းပြင်ပေါ်မှာ မှောက်လျှက်သားကြီးနဲ့ လှုပ်မရ။
အကို.. အကိုလို့ အော်ခေါ်နေပေမဲ့ ကောင်းကောင်းလှုပ်ရှားလို့မရတဲ့ ပါးပြင်ကြွက်သားတွေကြောင့် ဝူးဝူးဝါးဝါးအသံတွေသာ ထွက်လာရတယ်။
နားထဲမှာတော့.. လှေကားမှ တဒုန်းဒုန်း ပြေးတက်လာတဲ့ ခြေသံတွေနဲ့ တတီတီ မြည်နေတဲ့ စက်သံတွေ။
“ ဟယ်.. အမလေး.. မောင်သော်တာရေ..”
အခန်းထဲကို ဝရုန်းသုန်းကား ဝင်လာတဲ့ အမျိုးသမီးကြီးရဲ့ စူးစူးဝါးဝါး အော်သံကို ကြားပေမဲ့ ရုတ်တရတ် အသက်ရှူမရတော့တာကြောင့် ကျွန်တော် ဘာကိုမှ မတုန့်ပြန်နိုင်ဘူး။
“ မောင်သော်တာ.. ဒီလူလေး နိုးလာပြီ..”
အဲ့အမျိုးသမီးကြီးက တရစပ် အကို့ကိုအော်လည်းအော်ခေါ်၊ ကြမ်းပြင်ပေါ် ပုံကျနေတဲ့ ကျွန်တော့်ကို အတင်းကာရော ဆွဲလည်းထူနေတော့တယ်။ ကျွန်တော်လည်း စိတ်ရှိအတိုင်းသာဆို အကို့ဆီ ချက်ချင်းထပြေးပြီး ဘာများဖြစ်နေတာလဲ သွားကြည့်ချင်ပေမဲ့ ဒီခန္ဓာကိုယ်ကြီးခမျာ စိတ်သွားတိုင်း မပါလာနိုင်သေးဘူးရယ်။
ဒီလောက်ဆူညံပူညံဖြစ်နေတာတောင် ကျွန်တော့်ဆီ အကို ရောက်မလာသေးလို့ ရတက်မအေးဖြစ်နေရတယ်။ လူကလည်း အားတင်းပြီး အခန်းပေါက်ဝကို ခေါင်းမော့ကြည့်ရင်း ဗလုံးဗထွေးတွေ အော်နေတုန်းပဲ။
မြင်ပါရစေဦး.. သူ ဘယ်လောက်ပြောင်းလဲသွားသလဲဆိုတာ။
ကြည့်ပါရစေဦး.. သူ ဘယ်လောက်မပြောင်းလဲသလဲဆိုတာကိုလေ။
…..
Extra 8 is coming soon.. 💜
*
Extra 7
လက္ေလွ်ာ့ခဲ့ဖူးတယ္..
ကံၾကမၼာကို ယိုးမယ္ဖြဲ႕လို႔ မသက္ဆိုင္ခ်င္သေယာင္
ဟန္ေဆာင္ခဲ့ဖူးတယ္။
ဘယ္သူသိနိုင္မလဲ..
ငိုရွိုက္သံေလးတသဲ့နဲ႕ စိုးရိမ္စိတ္ေလးတဖဲ့ဟာ
ေသမဲ့လူကိုေတာင္ နိုးထေစနိုင္ျပန္သတဲ့။
….
မ်က္စိထဲ အကို႔မ်က္ႏွာေလးကို ျမင္ေယာင္ရင္း ေသေနတဲ့ ဒီခႏၶာကိုယ္ႀကီးကို ဇြတ္အတင္း ယမ္းခါလိုက္ေတာ့.. အုန္းခနဲ ကြၽန္ေတာ္ ျပဳတ္က်သြားေတာ့တယ္။ တကိုယ္လုံးမွာ ရွိသမွ် အေၾကာေတြက ထုံက်င္ေနၿပီး ၾကမ္းျပင္ေပၚမွာ ေမွာက္လွ်က္သားႀကီးနဲ႕ လႈပ္မရ။
အကို.. အကိုလို႔ ေအာ္ေခၚေနေပမဲ့ ေကာင္းေကာင္းလႈပ္ရွားလို႔မရတဲ့ ပါးျပင္ႂကြက္သားေတြေၾကာင့္ ဝူးဝူးဝါးဝါးအသံေတြသာ ထြက္လာရတယ္။
နားထဲမွာေတာ့.. ေလွကားမွ တဒုန္းဒုန္း ေျပးတက္လာတဲ့ ေျခသံေတြနဲ႕ တတီတီ ျမည္ေနတဲ့ စက္သံေတြ။
“ ဟယ္.. အမေလး.. ေမာင္ေသာ္တာေရ..”
အခန္းထဲကို ဝ႐ုန္းသုန္းကား ဝင္လာတဲ့ အမ်ိဳးသမီးႀကီးရဲ႕ စူးစူးဝါးဝါး ေအာ္သံကို ၾကားေပမဲ့ ႐ုတ္တရတ္ အသက္ရႉမရေတာ့တာေၾကာင့္ ကြၽန္ေတာ္ ဘာကိုမွ မတုန႔္ျပန္နိုင္ဘူး။
“ ေမာင္ေသာ္တာ.. ဒီလူေလး နိုးလာၿပီ..”
အဲ့အမ်ိဳးသမီးႀကီးက တရစပ္ အကို႔ကိုေအာ္လည္းေအာ္ေခၚ၊ ၾကမ္းျပင္ေပၚ ပုံက်ေနတဲ့ ကြၽန္ေတာ့္ကို အတင္းကာေရာ ဆြဲလည္းထူေနေတာ့တယ္။ ကြၽန္ေတာ္လည္း စိတ္ရွိအတိုင္းသာဆို အကို႔ဆီ ခ်က္ခ်င္းထေျပးၿပီး ဘာမ်ားျဖစ္ေနတာလဲ သြားၾကည့္ခ်င္ေပမဲ့ ဒီခႏၶာကိုယ္ႀကီးခမ်ာ စိတ္သြားတိုင္း မပါလာနိုင္ေသးဘူးရယ္။
ဒီေလာက္ဆူညံပူညံျဖစ္ေနတာေတာင္ ကြၽန္ေတာ့္ဆီ အကို ေရာက္မလာေသးလို႔ ရတက္မေအးျဖစ္ေနရတယ္။ လူကလည္း အားတင္းၿပီး အခန္းေပါက္ဝကို ေခါင္းေမာ့ၾကည့္ရင္း ဗလုံးဗေထြးေတြ ေအာ္ေနတုန္းပဲ။
ျမင္ပါရေစဦး.. သူ ဘယ္ေလာက္ေျပာင္းလဲသြားသလဲဆိုတာ။
ၾကည့္ပါရေစဦး.. သူ ဘယ္ေလာက္မေျပာင္းလဲသလဲဆိုတာကိုေလ။
…..
Extra 8 is coming soon.. 💜