ရုပ်ရှင်ဧကရာဇ်၏ သေလမ်းရှာ စေ့စပ်ထားသူလေး [ ဘာသာပြန် ] || Completed ||

Chapter 68

Unicode

ကြာပန်းဖြူလေးကလည်း နှစ်သိမ့်မှုလိုချင်သတဲ့၊ စွင်းရွှင်အရမ်းကိုပင်ပန်းနေပြီ
__________________________________

ဝေ့လန်ဘာမှဆက်မပြောတော့ပဲ ခေါင်းငုံ့ကာ အမြန်စာရိုက်လိုက်သည်။

[ အကွာအဝေးကအဆင်ပြေပါတယ် ဘာလို့ခပ်ခွာခွာလျှောက်ရမှာလဲ ပြီးတော့ ကျွန်တော့်အထင် ဝေ့လန်ကချောလည်းချော...... ]

သူစာရိုက်လို့မပြီးသေးခင် ယန်းချင်းချီက ဖုန်းကိုဆတ်ခနဲဆွဲယူသွားကာ စာတွေကိုဖတ်ကြည့်ရင်း

''မင်း ဒီလိုတွေရေးနေရင်း နည်းနည်းလေးလောက်တောင် ရှက်တယ်လို့မခံစားရဘူးလား  ''

ယန်းချင်းချီ ဝေ့လန်စာတွေကိုပြန်ဖျက်လိုက်ကာ ကျန်းမော့ချန်ဆီစာပို့လိုက်သည်။

[ ခင်ဗျား ဖက်ထုပ်တွေစားနေပြန်ပြီလား ]

ကျန်းမော့ချန် : [ ကိုယ်မေးတာအရင်ဖြေ ]

ဝေ့လန်က ဘာတွေပြောနေကြသလဲ စပ်စုချင်သဖြင့် ခေါင်းလေးစောင်းကာ ခိုးကြည့်လာသည်။ ယန်းချင်းချီဖုန်းကို ဘေးကပ်လိုက်ကာ ဝေ့လန်မသိအောင် Voice Message ခလုတ်ကို ရုပ်တည်ကြီးဖြင့် ဖိပြီး

''ငါ့ရဲ့အငယ်အနှောင်းမဖြစ်ချင်ဘူးလို့ မင်းရဲ့ကျန်းကောကောကို ပြောပြဖို့ ဒါနောက်ဆုံးအခွင့်အရေးနော် ''

ဝေ့လန်အေးစက်စွာ နှာခေါင်းရှုံ့လိုက်သည်။

''ဟွန့်! ဒီShowလာလို့မရအောင် ငါ့အစ်ကိုကိုသွားတိုင်သတဲ့ မူကြိုကျောင်းသားစတိုင်နဲ့ အဲ့လိုလူတွေနဲ့ စကားမပြောချင်ဘူး ''

''သူသွားတိုင်တာတောင် မင်းအစ်ကိုကလာခိုင်းတုန်းပဲလား ''

''ပေါက်ကရတွေ သူကငါ့အစ်ကိုလေ သူ့အစ်ကိုမှမဟုတ်တာ ကျိန်းသေပေါက်ငါ့စကားပဲနားထောင်ရမှာပေါ့ ''

''အဲ့တော့မင်းကငါ့ကို သူပြောသလို ဆင်ကြံ,ကြံနေတယ်ပေါ့ ''

ဝေ့လန်ကသူ့ကို ကြောက်လန့်တကြားပြန်ကြည့်လာကာ

''ယန်းချင်းချီ မင်းရူးသွားပြီလား မင်းကိုယ်မင်း Jack Sue*လို့များထင်နေတာလား တစ်လောကလုံးက မင်းကိုပဲကြိုက်ရမယ်ပေါ့? ငါ့မှာလည်း ကိုယ်ကျင့်တရားနဲ့ အလှအပခံစားတတ်တဲ့ မျက်လုံးတွေရှိပါသေးတယ်ကွ မင်းကိုကြိုက်ဖို့နေနေသာသာ တကယ်လို့မင်းကိုကြိုက်လို့ အမြှောင်မယားလုပ်ချင်ရင်တောင် ငါ့အစ်ကိုရိုက်တာနဲ့ အရင်သေလိမ့်မယ် ''