[Zawgyi]
အပိုင္း ၁၆၇ - (သမီးကိုကာကြယ္ျခင္း)
ယြီေရွာင္ေခ်ာင္းရဲ႕ အဝတ္ေသတၱာထဲမွာ အဝတ္ေတြက အရမ္းမ်ားေနတာေၾကာင့္ ေနာက္ႏွစ္အထိ တစ္ေန႔တစ္စုံ ေန႔တိုင္းထုတ္ဝတ္ရင္ေတာင္ အမ်ားႀကီး က်န္ေနေလာက္ေသးတယ္။ ေစ်းသိပ္မႀကီးတဲ့ အဆင္တန္ဆာေလးေတြ ထည့္ထားတဲ့ ရတနာေသတၱာေလးကလည္း ေသတၱာႏႈတ္ခမ္းသားမွာ လွ်ံက်လုမတတ္ အျပည့္ျဖစ္ေနတယ္။ တစ္ခါ က်ိဳးရွန္းဟူ လာကစားတုန္းက ေရွာင္ေခ်ာင္းသိမ္းဖို႔ ေမ့ေနခဲ့တဲ့ အဲ့ဒီရတနာေသတၱာကို ေတြ႕သြားခဲ့ေသးတယ္။ သူမေလးခမ်ာ ေသတၱာကိုၾကည့္ၿပီး သြားရည္က်လုနီးပါးပဲ။
ဒီပစၥည္းေတြက သူမေမြးစားအေဖေပးထားတာမို႔ ေရွာင္ေခ်ာင္း ဘယ္သူ႔ကိုမွ မေပးႏိုင္ေပ။ ဒါေပမဲ့ တကယ္တမ္း သူမက ဆယ္ႏွစ္အ႐ြယ္ ကေလးမေလးစိတ္ မဟုတ္တာမို႔ အဲ့တာေတြ ဝတ္ရတာကိုေတာ့ မႀကိဳက္ေလဘူး။ အဲ့ဒါေၾကာင့္ သူ႔ရဲ႕ဆံထိုးေတြ၊ လက္ေကာက္ေတြ၊ နားကပ္ေတြနဲ႔ တျခားရတနာ ကြိစိကြစေလးေတြက ဘူးထဲမွာပဲ တပုံပုံနဲ႔ ဖုန္တက္လို႔ေနတယ္။
တတိယသခင္ေလးက်ိဳးက ဖန္းဇီက်န္းတစ္ေယာက္ ၿခံဝင္းထဲကေန ထြက္သြားတာကိုျမင္ေတာ့မွ စိတ္သက္သာရာရသြားသည့္ႏွယ္ သက္ျပင္းခ်လိုက္သည္။ သူက မီးဖိုေခ်ာင္းတံခါးဆီကို သုတ္သီးသုတ္ပ်ာသြားၿပီး တစ္ခုခု ေျပာမယ္ႀကံကာရွိေသး ယြီေရွာင္ေခ်ာင္းက သူ႔ကို အလုပ္လုပ္ရန္ ေစခိုင္းလာေတာ့သည္။
" သြား! အေနာက္ဘက္အခန္းရဲ႕ အေႏြးကုတင္ေပၚက ႐ႊံ႕အုပ္ထားတဲ့ဥေတြ သြားယူလာခဲ့... "
က်ိဳးက်ီ႐ႊီက သူမအမိန႔္ကို နာခံလိုက္ၿပီး ေဆးဘဲဥေျခာက္လုံး၊ ခုနစ္လုံးေလာက္ ယူၿပီး ျပန္လာခဲ့လိုက္တယ္။ ဥေတြရဲ႕ အ႐ြယ္အစားကိုၾကည့္ၿပီး ဘယ္ဟာက ၾကက္ဥလဲ ဘယ္ဟာက ဘဲဥလဲဆိုတာ ေျပာႏိုင္တယ္။ ဒါေၾကာင့္ ေရွာင္ေခ်ာင္းက သူ႔ကို စူးခနဲ ၾကည့္လိုက္ၿပီးေနာက္ ဆူေတာ့တယ္။
"တုံးလိုက္တာ! ေဆးဘဲဥေတြက ႏွစ္မ်ိဳးရွိတာေလ။ သြား... ျပန္ၿပီး တစ္မ်ိဳးစီကေန ေျခာက္လုံးစီယူခဲ့ "
" ႐ႊံ႕အုပ္ထားတဲ့ဥေတြ ယူခဲ့လို႔ပဲ မင္းေျပာလိုက္တာေလ ဘယ္လိုဥဆိုတာမွ မေျပာလိုက္ဘဲ... "
က်ိဳးက်ီ႐ႊီက မတရားခံရတယ္လို႔ ခံစားရတာမို႔ ျပန္အထြန႔္တက္လိုက္တယ္။ ဒါေပမဲ့ သူ ေရွာင္ေခ်ာင္းယူခိုင္းတဲ့ ဥေတြကို ထပ္သြားမယူဘဲေတာ့ မေနရဲေပ။
YOU ARE READING
သက်တန့်ရောင် မိန်းမပျို Book 1 (MMTranslation)
Fantasyခေါင်းစဉ် - သက်တန့်ရောင် မိန်းမပျို (ဘာသာပြန်) မူရင်းခေါင်းစဉ် - Fields of Gold အမျိုးအစား - သဘာဝလွန်၊ စိတ်ကူးယဉ်၊ အချစ်ဇာတ်လမ်း၊ ဘဝအတွေ့အကြုံ အပိုင်းရေ - ၇၃၂ ပိုင်း မူရင်းရေးသားသူ - ကွေ့ဟွားချင်းယွီ ဘာသာပြန်ဆိုသူ - The 8Black Hands