Wind Chime (A Lucid Dream Spin-off)

Chapter Three

Chapter Three

"Type ka nung Gael na 'yun. Halatang halata naman, eh," sabi sa akin ni Yuan nang ikwento ko sa kanya si Gael. Nakaupo kami pareho ngayon sa isang mat na nakalatag malapit sa pond. Hawak niya ang gitara and he's unconsciously strumming it habang nag-uusap kami. "Gusto mo kausapin ko?"

Napa ngiti ako nang bahagya sa sinabi niya pero hindi ko maitatanggi na may onting kirot iyon. Paano niya makakausap if he only exists in my dream?

"Ano naman ang sasabihin mo sa kanya?" tanong ko.

Napaisip si Yuan at napahinto siya sa pag gigitara. "Sabihin ko, kung hindi siya seryoso sa'yo, wag na siyang mag tangkang gumawa ng move."

I chuckled. "Hindi ko naman siya type, eh so kahit seryoso siya, wala pa rin mangyayari."

Nilingon ko si Yuan at nakita kong pinanliliitan niya ako ng mata.

"Medyo marami-rami ka nang binabasted ha?"

"Hoy grabe! Maka rami ka diyan! Wala naman nanliligaw sa akin!"

"Di ba may nanligaw sa'yo dati? Anong name nun? Jason ba o Jaxon?"

"Jerald," I corrected him.

"Oh ayun. Niyayaya ka palang mag dinner, binasted mo na."

"Eh hindi ko naman type! Ayokong mag aksaya ng panahon!"

He laughed, "hahanga talaga ako sa lalaking makakapagpa-oo sa'yo."

Meron na kaso hindi niya ako tinatanong, dahil hindi siya nag e-exist sa reality ko.

Napahinga na lang ako nang malalim at napatingin sa Mt. Fuji na nasa harapan namin.

Sa reality, doon sa old tatami house sa Shizuoka City, hindi palaging nagpapakita ang Mt. Fuji sa amin. May mga pagkakataon kasi na nagtatago ito sa likod ng mga ulap. Pero dito sa panaginip ko, lagi siyang nandiyan, nakatanaw, parang binabantayan ako.

Naramdaman kong humangin. Napapikit ako as I feel the wind kissed my skin, then I heard the sound of the wind chime.

Mukhang hindi na nga ata talaga ako magkaka boyfriend.

"Yung tungkol sa trabaho mo," sabi niya nung hindi na ako nagsalita.

I froze. Sa totoo lang, hindi ko talaga binabanggit kay Yuan ang about doon kasi pakiramdam ko any minute maiiyak na naman ako. Pero ewan, kilalang kilala nga niya siguro ako kaya he knows what's up kahit na hindi ko pa i-open up.

"Alam mo marami pang ibang lugar diyan who will treat you better," sabi niya.

"Yuan, big company ang Crown Entertainment. Maswerte nga ako na na-hire ako doon, eh. Tapos mga katrabaho ko pa puro mga big stars."

Napa buntong hininga si Yuan pero hindi siya umimik. Inilabas niya ang gitara niya at nag simulang tumugtog. Random chords na malamang ay ginawa lang niya on the spot.

Then he started singing.

'Lagi kang nakatingala sa mga tala

Pero kailan mo kaya mapagtatanto,

Na isa ka rin sa kanila?'

Tumingin siya sa akin at nginitian ako.

"Kung 'di nila kaya na i-appreciate ka, subukan mong i-appreciate ang sarili mo. Sa totoo lang, ano naman kung malaki silang kompanya? Pag may pinakawalan silang isang mabuti at masipag na empleyado, sila ang nawalan at hindi ikaw."