(unicode)
" ပျင်းလိုက်တာ "
ကလေးငယ်သည် ရုပ်ရှင်ကြည့်မပြတ်ရှိနေလျက် ဆိုလာသည်။
" ဘာစားချင်လဲ၊ ဘာလုပ်ချင်လဲ ကိုယ်ကိုသာပြောလိုက် "
" လူကြီးကိုယ်တိုင်သုပ်ပေးတဲ့ ထမင်းသုပ်စားချင်တယ်၊ သုပ်ကျွေးနော် "
" ခုနနေ နေ့လယ်စာ စားချိန်ရောက်တော့မယ်၊ နောက်မှ ကောင်းကောင်းလေးသုပ်ကျွေးမယ်လေနော် "
" ခုစားချင်တာ "
မကျွေးချင်၍ မဟုတ်။ အရမ်းတွေ သုပ်ကျွေးချင်နေသော်လည်း နေ့လယ်စာစားရန်အချိန်နီးကပ်နေသည့်မှာ နာရီဝက်ပင်မလိုတော့။ ဗိုက်လေးမသိမသာပူနေပြီးဖြစ်သော ကလေးငယ်သည် အလိုလိုက်ထားများ၍ အနည်းငယ် ဆိုးချင်နေပေသည်။
" မရဘူး ကလေးငယ်၊ နောက်မှ "
" လူကြီး...လူကြီးရဲ့ပူတူးတူးလေးက စားချင်နေတာကို နည်းနည်းလေးတောင် မကျွေးချင်ဘူးလား "
လက်ညှိိုးလေးထိပ်နှစ်ခုကို အသာမထိတထိပြုလျက် မျက်လုံးလေးကိုလည်း မျက်တောင်လှုပ်စိလှုပ်စိပြုပြနေသူကိုကြည့်လျက် ဒေါင်းမာန်ရင်ထဲ ကလိကလိဖြင့် လိပ်ပြာသန်းပေါင်းများစွာ ပျံ သန်းနေလေပြီး။
" အင်း။ နည်းနည်းပဲနော် "
" ဟုတ်။ တစ်ပွဲနဲ့ တစ်ဝက်လောက်ပဲ "
" နည်းသွားအုန်းမယ် "
ထိုစကားကိုပြောလိုက်သူမှာ ဦးမင်းထွဋ်ခေါင်ပင်။ တစ်ယောက်မှာချွဲပြီး ခိုင်းစား၏။ နောက်တစ်ယောက်သည်လည်း အချွဲဒဏ်ကိုမခံနိုင်စွာ အခါခါအရည်ပျော်ကျလျက် ခိုင်းသမျှလိုက်လုပ်ပေသည်။ သိပ်လိုက်ဖက်တဲ့ အတွဲပါပေ။
" ဦးလေးကြီးက ဘယ်သွားမလို့လဲ "
" ချွဲတတ်တဲ့ ကောင်မလေးသွားရှာဖို့ဟေ့ "
" ခစ်ခစ်ခစ် "
" သိပ်မရယ်(ရီ)နဲ့၊ ပန်းသီးနင်နေမယ် "
" အွန်း "
" မတည့်စားတွေလိုက် တောင်းမစားနေနဲ့အုန်း။ ဆရာဝန်မှာတဲ့ အတိုင်းနေဖို့လည်း သတိရပါအသေးကောင် "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
