Wind Chime (A Lucid Dream Spin-off)

Chapter Four

Chapter Four

He's real. He's real.

Hindi ko siya gawa gawa lang. Nag e-exist siya sa mundong 'to. Hindi ako pwedeng magkamali. Kilalang kilala ko ang boses na 'yun. Boses ni Yuan 'yon.

Nag mamadali akong bumalik sa desk ko para panoorin yung video. Sabi nung babae, he goes by the name of Musikero.

"Girl, okay ka lang?" tanong ni Lyn sa akin. She looked at me with so much worry on her face.

Nag thumbs up naman ako, "oo ayos lang. Bakit?"

Sumiksik siya sa akin at bumulong, "girl nag kalat yung eye liner mo."

"Ay shit!" bigla akong napatingin sa salamin at nakita ko nga na may bakas ng itim na luha sa magkabilang pisngi ko gawa ng eye liner ko.

Note to self: I should stop wearing eyeliner sa office dahil ilang beses nang nangyari 'to sa dami nang beses kong umiyak sa trabaho.

"Shocks nakalimutan kong dalhin make up remover ko!" sabi ko habang nag hahalungkat ako sa pouch ko.

"Pahiran mo ng lotion para matanggal," sabi naman ni Lyn at inabot niya sa akin yung hand cream niya. Tinry ko yung sinabi niya at natanggal nga yung eyeliner ko.

Napayakap ako sa kanya, "buti na lang nandiyan ka. Baka matagal na akong nag quit," sabi ko rito.

She pats my head, "gaga kapit lang tayo. Ang mahalaga may trabaho. Isipin na lang natin maswerte tayo."

Napahinga ako nang malalim at hindi na lang ako umimik. Alam ko naman 'yun, eh. Maswerte ako na may trabaho ako sa magandang kompanya.

Pero bakit hindi na ako nagiging masaya?

I brushed off the thought at kinuha ko na lang ang phone ko to search for Musikero. Nakita ko agad yung Youtube page niya. It has 100K+ followers. Tapos yung mga views ng videos niya, nasa 200K+ and above.

Cinlick ko yung isang video. Again, he doesn't show his face. Nakikita lang sa screen na nakaupo siya sa isang swivel chair, hawak ang acoustic guitar niya.

The video started. Nag salita si Musikero.

"Sunday Morning by Maroon 5."

I instantly got goosebumps. Even his speaking voice sounded like Yuan.

He started strumming the guitar kasabay ng pagkanta niya.

'Sunday morning, rain is fallin

Steal some covers, share some skin.

Clouds are shrouding us in moments unforgettable

You twist to fit the mold that I am in.'

Napapikit ulit ako. Kahit anong kinig ko, alam kong si Yuan 'to. He has a unique, raspy voice. Yung way ng pagkanta niya, it's always full of emotion.

Napaisip ako habang nakikinig sa kanya. Kilala kaya niya ako sa mundo na 'to? Bakit pag nagkikita kami sa panaginip, hindi siya nag babanggit nang kahit ano na tungkol sa reality niya? Paano siya nakapunta sa panaginip ko?

O baka tulad ko, iniisip din niya na hindi ako totoo? Na isang parte lang ako ng panaginip niya? Isang babae sa panaginip niya na maraming rants sa buhay pero nakakasama niyang tumugtog at gumawa ng musika.