//UNICODE//
အခန်း 41 - မပြတ်မသားဆုံးဖြတ်ရခက်
ကုလီဟန်ရဲ့ခန္ဓာကိုယ် တုန်ရီသွားပြီး ပြင်းပြသည့်ဆန္ဒကို မထိန်းချုပ်နိုင်တော့ဘဲ စုလင်းရဲ့ခါးပေါ် လက်တင်လိုက်မိသည်။ လက်ဖဝါးအောက်မှ ထိတွေ့မှုက တုန်ရီနေမှုကို အနည်းငယ် နှေးကွေးသွားစေသည်။ ထို့နောက် သူ့ခေါင်းထဲမှာ အတွေးတွေ လွန်ဆွဲနေတော့သည်။ ကုလီဟန် သူ့ရဲ့ဗီဇသဘာဝအရ ကောင်ငယ်လေးကို တင်းတင်းကြပ်ကြပ် ထွေးပွေ့ထားချင်သော်လည်း သူ့ရဲ့ယုတ္တိကျကျအတွေးအမြင်များက တွန်းထုတ်ခိုင်းနေသည်။
သူ မလှုပ်နိုင်ခင် စုလင်းရဲ့နှုတ်ခမ်းများ အနည်းငယ် ဆုတ်သွားပြီး တိုးတိုးလေး ပြောလာသည်။
“မလှုပ်နဲ့”
သူက မနှစ်မြိုစွာ မျက်မှောင်ကြုတ်ကာ ဆက်ပြောလာသည်။
“ဒီဝိုင်က ခင်းဗျားလောက် အရသာမကောင်းပါဘူး။ အရမ်းဆိုးတာပဲ”
နဖူးထက်မှာ နူးညံ့သည့်အထိအတွေ့လေးကျရောက်လာချိန်တွင် ကုလီဟန် နှလုံးသား တစ်ခုလုံး ပြင်းထန်စွာ ခုန်ပေါက်လှုပ်ရှားနေတော့သည်။ ဤနူးညံ့ညင်သာသည့်ခံစားချက်က ကောင်ငယ်လေးဆီမှ ဖြစ်တာကြောင့် သူလုံးဝကို မခုခံချင်တော့ပေ။ သူက suspectible ကာလအတွင်းမှာ ဖြစ်နေသေးတာတောင် ရင်ထဲတွင် ပျော်ရွှင်မှုတို့ ဖူးပွင့်နေသည်။
အဖြစ်အပျက်က လူတိုင်းကို အံ့ဩသွားစေသည်။ လင်းမန်လည်း ပုန်းမနေနိုင်တော့ဘဲ ဆိုဖာကိုမှီကာ မှင်သက်နေသည်။ ထိုအချိန်တွင် ရှောင်းရွိ ပတ်ဝန်းကျင်ကို တစ်ချက်ကြည့်လိုက်ရာ သူ့ကို မြင်သွားလေသည်။
တစ်ဖက်တွင်လည်း စုလင်းရဲ့ အနမ်းများသည် ကုလီဟန်ရဲ့နဖူးမှသည် မျက်လုံးများဆီသို့ နိမ့်ဆင်းသွားသည်။ သူ့မျက်ခွံများက အလွန်ထိလွယ်ရှလွယ် ဖြစ်သည်။ ရုတ်တရတ် အသိ ပြန်ဝင်လာပြီး ကုလီဟန် မျက်နှာကို ဘေးဘက် မြန်မြန် လှည့်လိုက်ရာ စုလင်းရဲ့ နှုတ်ခမ်းတွေက သူ့မျက်လုံးရဲ့အစွန်ဖျားလေးကို ငှက်မွှေးလေးလို ညင်သာစွာ ပွတ်တိုက်သွားသည်။ ကုလီဟန် သက်ပြင်းရှိုက်လိုက်မိကာ စုလင်းခါးပေါ်မှ သူ့လက်များကို ဖယ်လိုက်သည်။ ကုလီဟန် အသံအက်ရှရှဖြင့်
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...