ပျော်ရွှင်ကြည်နူးနေတဲ့မိသားစု
ပျော်ပွဲစားခရီးစဉ်သွားရင်းကားပေါ်မှာ သီချင်းတွေအော်ဆိုနေကြတယ်
ကောင်လေးတစ်ယောက်ရဲ့တီတီတာတာစကားတွေကို မိဘတွေက နှစ်လိုဖွယ်ရှိရှိပြုံးပြထောက်ခံနေကြတယ်
ကောင်ငယ်လေးကိုမုန့်ခွံ့ကျွေးလိုက်
အမျိုးသားကို မုန့်ခွံ့ကျွေးလိုက်နဲ့
လက်မလည်တဲ့အမျိုးသမီးတစ်ယောက်
ကောင်ငယ်လေး
တစ်ယောက်ကို
ယုယုယယ နွေးနွေးထွေးထွေးကြည့်နေတဲ့အမျိုးသား
ရုတ်တရက် ကြည်နူးနေတဲ့မြင်ကွင်းကနေ
သွေးအသွင်သွင်စီးကျနေတဲ့ အမျိုးသား
သွေးအလိမ်းလိမ်းနဲ့မေ့မျောနေတဲ့ အမျိုးသမီး
မျက်ရည်တွေစီးကျပြီး ကြောက်လန့်နေတဲ့ကောင်လေး
ကောင်လေးအော်ခေါ်နေတာက
" Daddy!
မေမေ!
Daddy!
မေမေ! "
မြင်ကွင်းကရုတ်တရက်အမှောင်ကျသွားပြီး
အမှောင်ထဲပိတ်မိနေတဲ့ ခံစားချက်
ဘယ်လိုမှအသက်ရှုမရတော့တဲ့အခြေအနေ
နားထဲမှာ ခပ်သဲ့သဲ့ခေါ်သံတစ်ခုကြောင့်
အတင်းရုန်းကန်ပြီး မျက်လုံးဖွင့်ကြည့်မိတော့
" နိုင် နိုင် အိမ်မက်ဆိုးမက်တာလား "
ချွေးတွေထွက်ကြီး တုန်နေတဲ့ ကိုယ်လေးကို
ကျစ်ကျစ်ဖက်ထားပေးမိတော့
" ငါကြောက်တယ် ဟင့် ဟင်း "
" မငိုပါနဲ့ ခုဘာမှမဖြစ်တော့ဘူးနော်
ကျုပ် ရှိတယ် မကြောက်နဲ့တော့နော် "
" ငါမအိပ်ရဲတော့ဘူး "
" အခုမှ မနက်၂နာရီပဲရှိသေးတယ် နိုင်ရဲ့
လာရေသောက်လိုက် "
ကုတင်ခေါင်းရင်းက စင်ပေါ်မှာအသင့်ယူထားတဲ့
ရေကရားထဲကနေ ဖန်ခွက်ထဲထည့်ပေးပြီး
သောက်စေတော့
မက်မက်မောမောသောက်နေတဲ့သူကြောင့်
" ဖြည်းဖြည်းသောက်လေ နိုင် ဘာမှမဖြစ်တော့ဘူးနော် "
KAMU SEDANG MEMBACA
မောင်သည်သာ ( Complete)
Fiksi Umumအတွေ့အကြုံနည်းသေးတာမို့ သည်းခံပြီး အားပေးပါအုံးလို့ 👉👈
