My Weird Husband [ Completed ]

Part 5(U&Z)

Unicode

ဗြန်း!

ဗြန်း!

"မင်းထင်ဆိုတဲ့ကောင် အခုထွက်ခဲ့စမ်း၊ စောက်ပြဿနာရှာတုန်းကရှာထားပြီး အခုမှကြောက်ပုန်း ပုန်းမနေနဲ့ဟိတ်ကောင်"

သူများရပ်ကွက်မှာသွားပြီး ခြံတံခါးကိုတဗြန်းဗြန်းကန်ကျောက်ကာ ရပ်ကွက်ကြားအောင်ခေါ်နေခြင်းဖြစ်သည်။ သူ့ကောင်းမှုနဲ့ကိုယ်အိမ်ပေါ်ကဆင်းခဲ့ရသည့်အဖြစ်က မတန်မဆပါလား။ ဒီအတိုင်းတော့လုံးဝမကျေအေးပေးနိုင်ပါ။ စက်ရာဆိုတဲ့ကောင်ကိုဘယ်လိုထင်နေလို့ ဒီလိုလာချိုးရတာလဲ။နာရီဝက်လောက်ကြာမှ ခြံထဲဆင်းပြီး တံခါးလာဖွင့်တဲ့ မင်းထင်ကိုမြင်တော့ စက် ဒေါသကြောင့် လက်ဖဝါးတို့က မင်းထင်မျက်နှာထံကျရောက်သွားသည်။

ဖြောင်း!

ဂျူဒိုတက်ထားသူပီပီလက်သံကတော့ပြောင်လှသည်။ စက်ရဲ့ရိုက်
ချက်ကြောင့် မင်းထင် ခန္ဓာကိုယ်ယိုင်သွားပြီးပါးပြင်တစ်ခုလုံးထုံကျဥ်ကာရဲတက်လျက်။ ဒီလောက်ဆို ဒီကောင်ဘာဖြစ်လာလဲသိလိုက်တာ
နှင့် အပြုံးတို့က လူမိုက်ဆန်ဆန်ချက်ချင်းပြောင်းလဲကာစက်ကိုကြည့်လိုက်ပြီး

"အဟက်! ဘယ်လိုလဲ ငါပေးတဲ့လက်ဆောင် ကြိုက်ရဲ့လား၊ မင်းပထွေးကြီးရောဘာပြောသေးလဲ"

မင်းထင် အက်ျီစကို စက် ဆုတ်ယူလိုက်ပြီး မျက်နှာချင်းနီးအောင်ကပ်လိုက်ပြီး မျက်ထောင့်နီနီများဖြင့်ဝါးစားမတက်ကြည့်လိုက်ကာ မချိတရိပြုံး၍

"မင်းကငါ့ကိုဘာအောက်မေ့နေလဲ..ဟမ်၊ မင်းဒီလိုလုပ်ရုံနဲ့ ငါယိုင်လဲသွားမယ်ထင်ရင်မင်းမှားသွားပြီ၊ မင်းလိုလူက ငါ့အတွက်တော့မြူမှုန်တစ်မှုန်လောက်တောင်စောက်ရေးမပါဘူး နားလည်လား၊ ထွီ! ငါဘာကောင်လဲဆိုတာတစ်လောကလုံးသိတယ်၊ အေး!မင်းဒီထက်ပိုပြီး မနာချင်ဘူးဆိုရင် ငါနဲ့ဝေးဝေးရှောင်၊ မဟုတ်ရင် မင်းလိုလူက ငါ့လက်ထဲဘာဖြစ်သွားမလဲဆိုတာ ကိုယ့်ကိုယ်ကိုစဥ်းစားထား"

ပြောပြီးတာနဲ့ ဆုတ်ယူထားတဲ့အင်္ကျီကိုလွှတ်ချလိုက်ပြီး စက်ကိုယ်ပေါ်မှအနည်းငယ်ရွဲနေသော အင်္ကျီစကိုပြန်ပြင်လိုက်ကာ လှည့်ထွက်သွားသည်။မင်းထင်အံတကြိတ်ကြိတ်နှင့်လက်သီးဆုတ်လျက်သားကျန်ခဲ့သည်။ သူဟာဘယ်တုန်းကမှစက်ရာရှိန်လင်းဆိုတဲ့လူကိုမနိုင်ခဲ့သောကြောင့်။