My Weird Husband [ Completed ]

Part 10(U&Z)

Unicode

ပြောဆိုပြီးအခန်းထဲက ပြန်ထွက်လာတာနဲ့ အိတ်ကပ်ထဲက ဖုန်းကိုထုတ်ပြီးဖွင့်ကြည့်လိုက်တော့ Missed Call 35 Callတွေ့လိုက်တာနဲ့ ဖုန်းပြန်ခေါ်လိုက်တာဖြစ်သည်။

"Hello ဒေါ်လေးလား"

"စက်!မင်းဘယ်မှာလဲ၊ ဘာလို့အခုချိန်ထိပြန်မလာသေးတာလဲ၊ တစ်ရွာလုံးကလဲရုတ်ရုတ်သဲသဲတွေဖြစ်နေကြပြီ"

"ဘာဖြစ်လို့လဲဒေါ်လေး"

"ရှေးစာဆို မြို့ပေါ်တက်ရင်းပျောက်သွားလို့တဲ့ အဲ့တာ မင်းလဲအမြန်ပြန်လာခဲ့တော့"

ဖုန်းထဲမှစိုးရိမ်နေသောလေသံဖြင့်ပြောနေသောအဒေါ်ဖြစ်သူစကားကြောင့် ဟွန်းခနဲ ရီလိုက်ပြီး

"ရှေးစာဆိုကိုရှာဖို့မလိုတော့ဘူးဒေါ်လေး၊ ရှေးစာဆိုက ကျွန်တော်နဲ့အတူရှိတယ်၊ ပြီးတော့ ကျွန်တော်ဒီနေ့ည ရွာပြန်မလာတော့ဘူး။ ညောင်ဦးရောက်နေလို့၊ရွာသူကြီးကိုလဲပြောလိုက် စက်ရာရှိန်လင်းက ရှေးစာဆို ဆိုတဲ့ကောင်ကို ခိုးပြေးသွားပြီလို့"

"ဘုရားရေ!"

တစ်ဖက်မှ ဖုန်းချသွားတာနဲ့ ဒေါ်မေမိုး ထိုင်ခုံပေါ် ဖင်ထိုင်ချလိုက်မိသည်။အံ့သြခြင်းနဲ့အတူ ဘာကိုစ စဥ်းစားရမလဲမသိတော့။စက်က စာဆို့ကို ခိုးပြေးသွားတယ်၊ စက်ကိုထင်ခဲ့တာ မိန်းမပဲရှုပ်တယ်လို့လေ၊ အခုစက်ကအဲ့သလိုမဟုတ်ဘူးလား၊ တကယ်ပဲတောရိုးသွားတဲ့နေ့က သူတို့နှစ်ယောက်ဘာဖြစ်ခဲ့တာလဲ။ သေချာတာကတော့ စက်က စာဆို့ကို ကြိုက်နေတာလဲမဖြစ်နိုင်။ ဒါဆိုဘာကြောင့်ခိုးပြေးသွားတာလဲ။ တစ်ဆက်တည်းတွေးလိုက်မိတာက ဦးကိုကိုဆီဖုန်းဆက်ရမည်။ဒါပေမယ့်ဖြစ်ပါ့မလား။ ဦးကိုကိုရဲ့စိတ်ကိုလဲသိထားတာကြောင့် ဒီကိစ္စသာသိရင်ဘယ်လိုဖြစ်မလဲ။

ခိုးပြေးတယ်ဆိုတဲ့ကိစ္စကတော်ရုံမဟုတ်၊ပြီးတော့ ခိုးပြေးတာကလဲ မိန်းကလေးမဟုတ်သည့်အပြင် ကိုယ့်တူထက် ၁၀နှစ်လောက်ငယ်တဲ့ ယောက်ျားလေးတစ်ယောက်။ပြီးတော့တစ်ရွာလုံးကဝိုင်းပယ်ထားတဲ့အရူးကိုမှ။ အို...ဘာတွေဖြစ်ကုန်ပြီလဲ။အခုချက်ချင်းလဲ ညောင်ဦးထိလိုက်ခေါ်ဖို့ကမဖြစ်နိုင်။