အပိုင်း ၁၇၉ - ရန်လိုမှု

2.5K 325 3
                                    

[Unicode]

အပိုင်း ၁၇၉ - ရန်လိုမှု

ဆိုင်မှာကျန်နေတဲ့ ဖရဲသီးတွေထဲကနေ ရှောင်ချောင်းက ဝိညာဉ်စွမ်းအင်အများဆုံးပါဝင်တဲ့ နှစ်လုံးကို ရွေးလိုက်ပြီး စင်ပေါ်ကနေ ဂရုတစိုက်ထုတ်လာကာ ကောင်တာဆီကို ကိုယ်တိုင် သယ်လာတယ်။ သူမရဲ့ မွေးစားအမေဆီကနေ ကောင်းမွန်တဲ့ ထင်မြင်ချက်ရအောင် လုပ်ဖို့လိုတယ်။ တခြားတစ်ဖက်မှာတော့ သခင်မဖန်းက သေးငယ်ပြီး ပျက်စီးလွယ်တဲ့ ခန္ဓာကိုယ်ရှိတဲ့ မိန်းမငယ်လေးက ဖရဲသီးတွေကို မ,လာတာ တွေ့တော့ သူမအစေခံတွေကို အမိန့်ပေးလိုက်တယ်

"လင်းလုံ, ကျန်းကျူး, မင်းတို့နှစ်ယောက် ဘာလို့ သွားမကူကြသေးတာလဲ"

ယွီရှောင်ချောင်းက သခင်မဖန်းရှေ့မှာမို့ နည်းနည်းရှက်နေပြီး ထိုအမျိုးသမီးကို ကြည့်ဖို့ မော့လိုက်တဲ့ အချိန် သူမမျက်နှာမှာ ရှက်တက်တက် အပြုံးလေးပေါ်နေတယ်။ သူမက တက်ကြွပြီး စကားများတတ်တဲ့ စရိုက်ရှိပေမယ့် အခုတော့ ဘာပြောရမှန်းကိုမသိတော့။

သခင်မဖန်းက ခေါင်းငုံ့လိုက်ပြီး ရှက်ကိုးရှက်ကန်းပြုံးနေတဲ့ ကလေးမလေးကို ညင်ညင်သာသာ ကြည့်လိုက်ကာ သူမက ချစ်စရာကောင်းတဲ့ မျက်နှာလေးမှာ ပေနေတဲ့ ဖုန်တွေကို သူမရဲ့လက်ကိုင်ပဝါနဲ့ ဖွဖွလေး သုတ်ပေးလိုက်တယ်။ ထိုကလေးမလေးရဲ့ တောက်ပြောင်ချောမွေ့ပြီး နက်မှောင်နေတဲ့ ဆံသားလေးတွေကိုလည်း ပွတ်သပ်ပေးလိုက်တယ်။

ခုနတုန်းက စိုးရိမ်ကြောင့်ကြနေတဲ့ ကလေးမလေးရဲ့မျက်လုံးတွေက ချက်ချင်း တောက်ပပြီး ကြယ်ပွင့်တွေလို တဖျက်ဖျက် လက်လာတယ်။ ထိုသို့ ပြုလုပ်ပေးလိုက်ခြင်းက သူမကို တော်တော်လေး သွက်လက် တက်ကြွတဲ့ပုံစံ ဖြစ်လာစေတယ်။

"ကလေးမလေး, ဒီဖရဲသီးနှစ်လုံးက ဘယ်လောက်ကျလဲ"

ကလေးမလေးရဲ့ ရိုးသားစွာပြုံးနေတဲ့ မျက်နှာကိုမြင်ပြီး အမျိုးသမီးဖန်းက သူ့တူမရဲ့ မည်းမှောင်နေတဲ့ မျက်နှာအခြေအနေကို တစ်ချက် ခိုးကြည့်လိုက်ရင်း သူမက ပိုလို့တက်ကြွလာတယ်။ ထိုအမျိုးသမီးရဲ့ မျက်နှာအမူအရာနဲ့ စိတ်ခံစားချက်က ရှောင်ချောင်းကို စနေတယ်ဆိုတာ ရှင်းရှင်းလင်းလင်း ဖော်ပြနေတယ်။

သက်တန့်ရောင် မိန်းမပျို Book 1 (MMTranslation) Where stories live. Discover now