Only For Me [𝐶𝑜𝑚𝑝𝑙𝑒𝑡𝑒𝑑]

Part - 33⚡

🔹Unicode🔹

"သည်းငယ် ဦးမေးနေတယ်လေ အဲ့ကောင် ဘယ်သူလဲလို့"

ဦးသက်ဘုန်းနိုင်ကတော့ အာပေါက်မတတ်ပြောနေပေမယ့် ထင်ကတော့ရောက်ကထဲက တစ်ခွန်းမှပြန်မပြောဘဲ တမင်အမြင်ကပ်အောင် ရုပ်ကိုချေမိုးပြနေလေသည်။အဲ့လိုရုပ်ပြလေဦးသက်ဘုန်းနိုင်က ပို‌ဒေါသထွက်လေဖြစ်သည်။တမင်ချေမိုးပြနေတဲ့ရုပ်ကိုအမြင်ကပ်လို့တော့မဟုတ် သူ့အတွက်တစ်မျိုးတစ်ဖုံ ချစ်စရာကောင်းနေပြန်တာကြောင့် ဆုံးရှုံးရမည်ဆိုးသောစိတ်ဖြင့် ဒေါသထွက်နေခြင်းဖြစ်သည်။

"သည်းငယ်!!!"

"ဘာလဲ!!!!!"

"ဦး မေးတာဖြေလေ မကြားဘူးလား"

"ဟုတ်တယ် မကြားဘူး"

"ဟာကွာ တောက်စ်!"

"ကျွန်တော့်ကို လာတောက်မခေါက်နဲ့"

"ဟုတ်ပြီ ဦးတောင်းပန်တယ် စိတ်မဆိုးနဲ့ ပြော အဲ့ကောင်‌ကဘယ်သူလဲ"

"ဒယ်ဒီ သုန်သုန်ပြောပြမယ်"

အစောကရေခဲမုန့်စားနေတဲ့ ဂျူးခက်သုန်က ၀င်ပြောလာသည်။4နှစ်အရွယ်ရှိပြီဖြစ်တဲ့ ဂျူးခက်သုန် ခေါ် သုန်သုန်လေးက အခုဆိုစကားတွေပီပြီးတတ်လွန်းလို့ တစ်ချက်တစ်ချက်အဖေနှစ်ယောက်ကြား ဆေးထိုးတတ်လွန်းလို့ အခက်တွေ့နေရသည်။

"လာ ဒယ်ဒီကို ပြောပါအုံး သုန်သုန်လေးရဲ့"

ဦးသက်ဘုန်းနိုင် ထင့်လေးနားမှာ မတ်တပ်ရပ်နေရာကနေ ‌ဘေးနားကထိုင်ခုံတစ်ခုမှာ၀င်ထိုင်လိုက်သည်။သုန်သုန်ကလဲ ဦးသက်ဘုန်းနိုင်ပေါင်ပေါ်ထိုင်၍

"ဒယ်ဒီ အဲ့ဦးဦးကလေ သုန်သုန်က ဖေဖေ့သားဆိုရင် သူ့သားပဲတဲ့"

"သုန်သုန် မင်းနော် ရှောက်မပြောနဲ့"

ထင်က နှုတ်ခမ်းကိုဆူပုတ်၍ပြောလေသည်။

"ကလေးဆိုတာ မလိမ်တတ်ဘူး တကယ်ပြောလို့နေမှာပေါ့"

"ဟုတ်တယ် ဒယ်ဒီ သုန်သုန်က မလိမ်တတ်ဘူးနော်"

"ဦးနော် သုန်သုန်ပြောတာပဲ ယုံမနေနဲ့"

"ဦး သည်းငယ်ကို အရင်မမေးဘူးလား"