//UNICODE//
အခန်း 44.1 - အက
စုလင်း ရေချိုးခန်းထဲမှ ထွက်လာပြီး တစ်ချက်ကြည့်လိုက်ရုံနဲ့ ကုလီဟန်ကို ချက်ချင်း မြင်လိုက်ရသည်။
နတ်ဘုရားရဲ့ အမူအရာက ဘာလို့ အရမ်း မှောင်မည်းနေရတာတုန်း?
သူ လင်းမန်ရဲ့ လက်မောင်းကို ပုတ်ကာ ကုလီဟန်ရှိရာကို ညွှန်ပြလိုက်ပြီး ထိုနေရာကို သွားမလို့ဟု လက်ဟန်ခြေဟန် လုပ်ပြလိုက်သည်။
လင်းမန်လည်း 'အပိုလျှပ်စစ်မီးသီး' လေးမဖြစ်ချင်တာကြောင့်
"ငါ အားရွိကို သွားတွေ့လိုက်ဦးမယ်။ တစ်ခုခုဖြစ်ရင် ငါ့ကို ဆက်သွယ်လိုက်"
စုလင်း ခေါင်းညိတ်လိုက်ပြီး ကုလီဟန် ဆီသို့ တန်းတန်း လျှောက်သွားသည်။ ကုလီဟန်ရဲ့ အကြည့်က သူ့အပေါ်သို့ ကျရောက်လာပုံမှာ အလွန် အာရုံစူးစိုက်မှုရှိပြီး အနည်းငယ် ချစ်ကျွမ်းဝင်နေပုံလည်း ပေါ်သည်။ စုလင်း ကုလီဟန်ရဲ့ နံဘေးကို လျှောက်သွားပြီး
"ခင်ဗျား....."
စကားတစ်လုံးသာ ပြောလိုက်သော်လည်း အဲ့ဒါက သူ့မျက်ခုံးများ တွန့်ချိုးသွားစေသည်။ သူ့အသံက ဗလုံးဗထွေးဖြစ်နေပြီး လျှာကလည်း နာနေရုံသာမက ဒဏ်ရာကနေလည်း သွေးများ ဆက်ထွက်နေသည်။ သွေးတွေ အများကြီး ထွက်လာတာ မဟုတ်ပေမယ့်လည်း သွေးနံ့က သူ့ကို စိတ်မသက်မသာ ဖြစ်စေသည်။ အခြားကိစ္စတွေ ခဏထားပြီး သူ့ဒဏ်ရာကို အရင်ကုတာပဲ ကောင်းလိမ့်မည်။ စုလင်း ပြောချင်တာကို ခဏဘေးချိတ်ထားလိုက်ပြီး လျှာကိုမထိစေဖို့ကြိုးစားပြီး ပြောလိုက်သည်။
"ကျွန်တော့်ကို နားနေခန်းခေါ်သွားပေးလို့ရမလား? ဒဏ်ရာကို ဆေးလိမ်းချင်လို့"
စုလင်း ပုလဲသွယ်ပင်ပျိုရဲ့ ဝတ်ရည်ကို နေ့တိုင်း စုဆောင်းရပြီး သူ့နေရာလွတ်တွင် ထည့်ထားလေ့ရှိသည်။ သူ ဝတ်ရည်ရဲ့ အာနိသင်ကို သတိရလိုက်ပြီး ဒဏ်ရာပေါ်မှာ သုံးချင်တာ ဖြစ်သည်။ ရိုးရိုးသားသားပြောရရင် စောစောက သန့်စင်ခန်းထဲမှာ လုပ်လို့ရပေမယ့် သူ လျှာမှာရှိနေတဲ့ ဒဏ်ရာကို သန့်စင်ခန်းထဲမှာ တကယ်ကြီး မစစ်ဆေးချင်ပါ။ သန့်စင်ခန်းရဲ့ပတ်ဝန်းကျင်သည် အလွန်ကောင်းမွန်နေသော်လည်း အိမ်သာဖြစ်နေသေးတာကြောင့် စိတ်အနှောင့်အယှက် ဖြစ်ရသည်။ သူတကယ်လုပ်လိုက်ရင် ပျို့တက်လာလောက်သည်ဟု ခံစားရသည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
