Unicode
အခန်း-၃၂ သူစိမ်းအဖြစ် တွေ့ဆုံခြင်း။
[ဘိုးဘေးတွေကို အရှက်ရစေတယ်!!]
စုယန် ဒေါသထွက်သွားလေသည်။
ဇာတ်လမ်းအစဖြစ်သော မေ့ကျူးတောင်၌ ကုဖေးတိသည် သူ၏ ဒိုင်ယာလော့များကို ကျပန်း ပြောင်းလဲခြင်းဖြင့် သူ(စုယန်)၏ စွမ်းဆောင်ရည်ကို ပျက်ပြားစေခဲ့သည်။ မည်သို့ပင်ဆိုစေ ကုဖေးတိသည် 'Arch-Rivals' ၏ ဇာတ်ဆောင်ပင် ဖြစ်သည်။ ယခုမူ သိုင်းလောကရှိ ကျပန်း အမြောက်စာ ဇာတ်ကောင်လေးက ဇာတ်ညွှန်းစာသားများကို ပေါ့ပေါ့ပါးပါး ပြောင်းလဲပစ်နေလေသည်။
ဘယ်လောက်တောင် သတ္တိရှိနေလိုက်သလဲ!
ဒီလူတွေအားလုံးက သူ့ကို ဇာတ်ညွှန်းအတိုင်း မှန်မှန်ကန်ကန် သရုပ်ဆောင်ခွင့်မပေးတာ ဘာကြောင့်လဲ?
စုယန်သည် မျက်လုံးများကို မှေးကျဉ်းထားရင်း မကျေမနပ် နှာခေါင်းရှုံ့လိုက်လေသည်။ ထို့နောက် သူသည် ရေကန်ထဲမှခုန်ထွက်ကာ ခါးရှိ ပျော့ပျောင်းသောဓားရှည်ကို ဆွဲထုတ်လိုက်ပြီး အဖြူရောင်ဝတ်ဆုံနှင့်လူကို စတင် တိုက်ခိုက်လိုက်တော့သည်။
အစောင့်လေးယောက်သည် ချက်ချင်းဆိုသလို ရှေ့တိုးလာသော်လည်း ကုဖေးတိက သူတို့အား တားဆီးလိုက်လေသည်။
"ငါသူနဲ့ ရင်ဆိုင်လိုက်မယ်.. မင်းတို့က မြင်းတွေနဲ့ ရိက္ခာတွေကို ကာကွယ်ထား"
သူတို၏စံအိမ်သခင်လေးသည် သိုင်းပညာအရာ၌ ထူးချွန်သူဖြစ်ကြောင်း သိထားသောကြောင့် အစောင့်များသည် အကြည့်ချင်းဖလှယ်ကာ မြင်းများကို ဆွဲခေါ်သွားကြပြီး နှစ်ယောက်သား တိုက်ပွဲဝင်ရန် နေရာအလုံအလောက်ကို ပေးထားခဲ့သည်။
ရွှီယွင်ကျန်းသည် ဟော့ယင်း၏ လက်ကောက်ဝတ်ကို ဆွဲကိုင်လိုက်ပြီး တိုက်ပွဲနေရာမှ ရုန်းထွက်လိုက်၏။ ထိုတိုက်ပွဲကို အဝေးမှကြည့်နေရင်း သူ၏မျက်နှာ၌ ရှုပ်ထွေးသောအမူအရာများ ပေါ်နေလေသည်။
စုယန်သည် သူ၏ဓားသွားနှင့် ကုဖေးတိ၏ဓား ထိလိုက်သည်နှင့် အနည်းငယ် အံ့သြသွားသလို ခံစားလိုက်ရ၏။
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
