Unicode
ငါ ကိုယ့်ဘာသာကိုယ် လှည့်ပတ်ပြီးတော့ ကိုယ့်အခြေအနေကို ပြန်တွေးကြည့်လို့ရတယ်။
တကယ်တော့ ကျောင်းကုန်းဇီက မလိုအပ်ဘဲ အတွေးလွန်နေတာ။ ငါက မစ္စယုနဲ့ ပိုမိုရင်းနှီးလာဖို့, မစ္စယုရဲ့ နှလုံးသားထဲမှာ ဖုံးကွယ်ထားတဲ့ ခံစားချက်ဟောင်းတစ်ချို့ကို ပြန်လည်ခေါ်ဆောင်ဖို့အတွက် ကြည့်ကောင်းအောင် ၀တ်ဆင်ဖို့ ပြင်ဆင်ထားခဲ့တာလေ။ အဲ့အပြင် မစ္စယုက သမ္မတကြီးကို ကိုယ်စားပြုပြီးတော့ ဒီမြို့က သမ္မတ တည်ထောင်ထားတဲ့ အလယ်တန်းကျောင်း ဖွင့်ပွဲအခမ်းအနားမှာလည်း ပါဝင်ဆင်နွှဲမှာဖြစ်တယ်။ ငါက ဆိုဖာအစွပ်အသစ်ဝယ်ချင်တာမို့ မစ္စယုက ဘတ်ဂျက်ကောင်းကောင်းရှိတဲ့ အဲ့အလယ်တန်းကျောင်းမှာ နည်းပြဆရာအဖြစ် ငါ့ကို အကြံပြုပေးနိုင်မယ်လို့ မျှော်လင့်ထားခဲ့တာ။
ဒါပေမယ့် ငါ မစ္စယုနဲ့ ဘယ်တော့စကားပြောခွင့်ရမယ်ဆိုတာ မသိဘူး။
အချို့အမျိုးသမီးတွေက ငါ့အနားက ဖြတ်သွားပြီး ပြောနေကြတယ်, "မစ္စယုက ဧည့်သည်နားနေခန်းမှာ အဝတ်လဲဖို့အတွက် အပေါ်ထပ်ပြန်တက်သွားတာလား?"
"သူတို့ကတော့ အဝတ်လဲတာလို့ ပြောပေမယ့်..."
"ကျောင်းကုန်းဇီနဲ့မဟုတ်ဘူးလား...?"
"ဘာဖြစ်လဲ? တစ်ယောက်ယောက်က သက်သတ်လွတ်ဟင်းကို နည်းနည်းလောက် ပြောင်းစားကြည့်လို့မရဘူးလား?"
ငါ သူတို့ဆွေးနွေးနေတာကို စိတ်မ၀င်စားပါဘူး။ ဒါပေမယ့် ပထမဆုံးအချက်အနေနဲ့ ဘာလို့ ငါက အသားဟင်းဖြစ်ပြီး မစ္စယုက ဘာလို့ သက်သတ်လွတ်ဟင်းဖြစ်ရတာလဲ? ဒုတိယအချက်အနေနဲ့ ငါက ဘာလို့ အသားဖြစ်ပြီး မစ္စယုက ဘာလို့ အသီးအရွက်ဖြစ်ရတာလဲ?
ငါ အပေါ်ထပ်ကို အမြန်တက်သွားလိုက်ပြီး ကျောင်းကုန်းဇီနဲ့ မစ္စယုတို့ အကြောင်းတစ်ခုခုကြောင့် ရန်ဖြစ်နေကြတာကို အဝေးကနေ လှမ်းမြင်လိုက်ရတယ်။
နှုတ်ဆက်ပါတယ်, ငါ့ရဲ့ဆရာလစာလေးရေ။
နှုတ်ဆက်ပါတယ်, ငါ့ရဲ့ဆိုဖာအစွပ်လေးရေ။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
