(unicode)
ထမင်းစားခန်းထဲဝင်လိုက်လျှင် စားပွဲ၌ daddy
တစ်ယောက် နေရာယူထားလေပြီး။ ဖေဖေနှင့်အနီးဆုံးနေရာတွင် daddy ထိုင်နေ၍ နောက်ကျန်တစ်ဖက်၌ ယသော်ငယ်ငယ်ဝင်ထိုင်လိုက်သည်။
" သမီးအတွက်က ချောကလပ်ယို၊ daddy အ တွက်က ဖေဖေနဲ့တူတူ စပျစ်ယို "
ရှေ့မှပန်းကန်လေးထောင့်အဖြူလေးနှင့် ထည့်ထားသည့် တြိဂံပုံစံဖြတ်ပိုင်းထားသော ပါမုန့်ကင် နှစ်ပိုင်း။ စွယ်သော်လင်း ပါမုန့်ပန်းကန်တို့ကို စားပွဲထက်ချလိုက်ပြီး နေရာချန်ထားသော အလယ်ခုံထက် ဝင်ထိုင်လိုက်သည်။
" ဖေဖေ "
" မုန့်ဖိုးကုန်ပြီးမလား။ ညက ဖေဖေထပ်လွှဲထားပေးတယ် "
" ဟီး ဖေဖေချစ်တယ် အာဘွား "
ထိုင်ရာမှထ၍ ဘေးခုံရှိထိုင်နေသော ဖေဖေပါးကိုအားရပါးရနမ်းရှိုက်လိုက်သည်။ ဖေဖေ၏နူးညံ့အိနေဆဲ ပါးအိအိလေးတို့သည် မွှေးနေပေ၏။
" daddyကိုလည်း အာဘွားပေး ယယ "
" အာဘွား daddy "
" ကလေးငယ် ကိုယ်ကို morning kiss လေး "
" ကလေးရှေ့အနေထိုင်ဆင်ခြင်ဖို့ မှာထားတယ်လေ။ ညကျ ဧည့်သည်ခန်းမှာ သွားအိပ်ချေ "
" ကလေးငယ်ကလည်း... "
" သမီးစား။ ထပ်ယူအုန်းမလား "
ဆူပုတ်ပုတ်မျက်နှာနှင့်လူကြီးကို မသိဟန်ပြုထားလိုက်သည်။
" ကလေးငယ် ကိုယ့် "
" တိတ်လိုက်တော့ ဦးဒေါင်းမာန် "
" အွန်း "
" ဖေဖေ သမီးဘွားဘွားဆီသွားလည်ဖို့။ အဲဒါ... "
" ဘယ်နေ့သွားမလဲ "
" ဒီနေ့ပဲ "
" အင်း။ ကားယူသွား သမီး၊ ဂရုတစိုက်လည်း မောင်းသွားအုန်း။ ရောက်ရင် ဖုန်းဆက်လိုက် "
" ဟုတ်ကဲ့ ဖေဖေ "
သမီးဖြစ်သူကို မှာစရာများမှာပြီး လူကြီးထံကြည့်လိုက်လျှင် မေးထောက်မပြတ်ပြုံးလျက် စိုက်ကြည့်နေပေသည်။
" ဘာကြည့်နေတာလဲ။ မြန်မြန်စား၊ ပြီးရင် အလုပ်သွားရမယ်မလား "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
