Unicode
မှိတ်တစ်ဝက်ပွင့်တစ်ဝက် ရွှမ်းမင်မျက်ဝန်းအိမ်၌ မီးအိမ်၏မှိန်ပျပျအလင်းရောင် ထင်ဟပ်လို့နေပြီး မည်သည်ကို အကြည့်ရောက်နေသလဲ ရွှဲရှန်မဆိုနိုင်။ အထိတ်တလန့်ဖြစ်သွားသော ရွှဲရှန်မျက်ဝန်းတွေ၌ပဲလား ချွေးများသီးနေသော ရွှဲရှန်နှာထိပ်ဖျား၌ပဲလား ဒါမှမဟုတ် အောက်ပိုင်း....။မမြင်ရသော ကန့်လန့်ကာသည် နှစ်ဦးကိုပတ်၍ ကာရံထားသည့်နှယ်။ ဤလောက၌ ရှိရှိသမျှ အသံများက တိုးဝင်ပျောက်ကွယ်ကုန်ပြီး နှစ်ဦးသား၏ အသက်ရှုရှိုက်သံသာ ကျန်ရစ်နေခဲ့သည်။ ကျယ်ဝန်းသောအခန်းကပင် လှုပ်ရှား၍မရလောက်အောင် ကျဥ်းကျပ်နေသည်အထိ ကျုံ့သွားသည့်အလား။
ရွှဲရှန်ကိုင်ထားဆဲ ရွှမ်းမင်လက်မှာ ရုတ်တရက် လှုပ်ရှားသွား၏။ ရွှမ်းမင်သည် သူ့လက်ကိုရုန်းလိုက်ကာ ရွှဲရှန်လက်ချောင်းများကို အပေါ်မှအုပ်၍ ပြန်လည်ဆုပ်ကိုင်လိုက်၏။ ထူးဆန်းစွာ လောင်မြိုက်နေသော အပူရှိန်ကြောင့်လည်း ဖြစ်နိုင်သည်။ ခွန်အားကို ထိန်းနိုင်စွမ်းမရှိပဲ ရွှဲရှန်ကို ဆုပ်ကိုင်ထားသည်မှာ အလွန်အမင်းတင်းကျပ်လို့နေ၏။ရွှဲရှန်ခေါင်းထဲ၌ တဖြည်းဖြည်း ကြည်လင်လို့လာသည်။ ရွှမ်းမင်တစ်ကိုယ်လုံး၌ ချွေးစေးများထွက်နေသည်ကို သတိထားမိသွားသည်။ ရွှမ်းမင်လက်မှာလည်း ချွေးများရွှဲလို့နေပြီး ရွှဲရှန်လက်ကို ဆုပ်ကိုင်လိုက်ချိန်၌ လက်ချောင်းများအချင်းချင်း သွယ်ယှက်လို့သွားသည်မို့ လက်ချောင်းများအကြား အရေပြားက အချင်းချင်း ပွတ်တိုက်လို့နေသည်။ လက်ရှိခံစားချက်မှာ တရင်းတနှီးရှိရုံသာမရ နှစ်သက်မြတ်နိုး ထိုအထက်ပိုပြီး တစ်ဦးကိုတစ်ဦး ပုံအပ်ထားသည်လို့တောင် ဆိုလို့ရနေပြီ။
ရွှမ်းမင်သည် မိန်းမောစွာ မျက်လုံးများကို ပြန်မှိတ်ပြီး တဖန်ပြန်ဖွင့်ကြည့်သောအခါ ချွေးများက နဖူးထက်ကနေ မေးထိတိုင် လိမ့်ဆင်းလာ၏။ ထိုမှတဆင့် မော့၍နေသော ရွှဲရှန်မေးဖျားဆီသို့ လိမ့်ကျလာပြီး လည်ပင်းတစ်လျှောက်ကနေ အောက်သို့ ဝင်ရောက်သွားသည်။
YOU ARE READING
Copper Coins《铜钱龛世》
Historical FictionNovel : tongqiankanshi(铜钱龛世) Author : Mu Su Li 木苏里 English translator : jiaqikangjiaqi Chapters : 102+extra တသီးတသန့်နေရတာသဘောကျ၍တည်ငြိမ်သူဘုန်းတော်ကြီးရွှမ်းမင် (ဘုန်းတော်ကြီးအစစ်မဟုတ်)နှင့် အများနှင့်မတူတမူထူးခြားသောဒေါသအိုးရွှဲရှန့် MC(shou) is h...