"ဟို...ခုနက စကားက..
နောက်နေတာတော့ မဟုတ်ဘူးမလားဟင်.."
သူ့ကို ရှက်ရွံ့စွာကြည့်ရင်း မေးလာသည့်
ရှန်ခွန်းနောင်ကြောင့် စိုင်းအံ့သျှိုင်းယံ
ပြုံးလိုက်မိသည်..။
သူ့ဆီက ဖွင့်ပြောသည့်စကားကို ကြားရပြီး
အတန်းထဲမှာ.. ကျောက်ရုပ်လေးလို ငြိမ်သက်
တိတ်ဆိတ်သွားကာ ကြောင်တောင်တောင်လေး
ထိုင်နေတာကြောင့် အေးအေးဆေးဆေးစကားပြောရန် အနီးဆုံးမှာရှိသည့် ကားပါကင်မှာ
ရပ်ထားသည့် သူ့ကားပေါ်ကိုခေါ်ခဲ့တော့လည်း
အရုပ်လေးလို တစ်ခွန်းမှမငြင်းဘဲ လိုက်ခဲ့ရှာသည်။
" နောက်နေတာလားဟင်.."
သူ့ဘက်က အနည်းငယ်တိတ်ဆိတ်၍ထင်..
မျက်နှာလေးငယ်လျက်ဒုတိယအကြိမ်ထပ်
မေးလာပြန်သည်။
" ကိုယ့်ပုံစံက နောက်နေတာနဲ့တူလို့လား.."
" ဒါပေမဲ့ ရုတ်တရက်ကြီး..."
" မင်းကကိုယ့်ဆီက ထွက်ပြေးနေပြီလေ..။
ကိုယ်က မင်းထွက်ပြေးတာမှ မခံစားနိုင်တာ.."
" ထွက်မပြေးပါဘူး..။"
" သေချာလို့လား...."
ရှန်ခွန်းနောင်က ခေါင်းလေးငုံ့လျက်
တိတ်သွားသည်..။
စိုင်းအံ့သျှိုင်းယံ ပြုံး၍သာကြည့်နေမိသည်..။
အတန်ကြာမှ ရှန်ခွန်းနောင်က တိုးသက်သက်
အသံလေးဖြင့်..
"အစ်ကိုက..ကျွန်တော့်ကို
တွန်းထုတ်နေတာ..လေ..။"
" ကိုယ်က.....?"
"ကျွန်တော်က... ကျွန်တော်က
သဝန်တိုတတ်တယ်..။အစ်ကိုက အဲ့ဒါကို..
တခြားသူတွေနဲ့ ရင်းရင်းနှီးနှီးနေပြီး..
ကျွန်တော့်ကိုကျ လျစ်လျူရှုတယ်.."
" မေချယ်ရီလင်းလား.."
" အစ်ကို အဲ့ဒီအစ်မနဲ့တွဲနေတာလား.."
" သူနဲ့တွဲနေရင် မင်းကို .. တွဲမယ်လို့
ကိုယ်ပြောပါ့မလား.."
" ဒါပေမဲ့......"
" 1 st year ထဲက ပေါင်းလာတဲ့
သူငယ်ချင်းတွေ ..
ရှန်ခွန်းနောင်ရဲ့.."
" အဲ့ဒါဆို ဘာလို့.. အဲ့ဒီအစ်မနဲ့ အပြင်ထွက်လဲ..။
ဘာလို့ အဲ့ဒီအစ်မကို အစ်ကို့လက်ကို
ထိခိုင်းတာလဲ.."
YOU ARE READING
RO ( ရို ) (Completed)
RomanceMyanmar BL. Two Romantic love stories (Bitter sweet + Pure sweet) Uni Life OWN CREATION TEEN ROMANCE UNICODE/ZAWGYI Start Date : FEB 26 2022 End Date : JUNE 11 2022
