Unicode
ကျောင်းကုန်းဇီက အလုပ်ကိစ္စနဲ့ ခရီးထွက်ရမှာဖြစ်ပြီး မနက်ဖြန်နေ့လည်အထိ ပြန်မလာဘူးလို့ သူက ပြောတယ်။ ငါ သူ့ကို ယုံပါတယ်။
နောက်ဆုံးတော့ သူဟာ ဒီနေ့မွန်းတည့်မှာ ထွက်ခွာသွားပြီး သူ့ရဲ့လက်ထောက်ဟောင်းဖြစ်တဲ့ လက်ရှိမန်နေဂျာကလည်း သူ့အချိန်ဇယားထဲမှာ ဒီလိုခရီးစဥ်မျိုး ရှိတယ်လို့ ပြောခဲ့ဖူးတယ်။
ဒါကြောင့် သူ ဘာလို့ သန်းခေါင်ယံအချိန်ကြီးမှာ အခြားမြို့ကနေ အမြန်ပြန်ရောက်လာရတဲ့အထိ အနှောင့်အယှက်ကြုံလာရတာလဲဆိုတာကို ငါမသိဘူး။
သူ လိမ်နေတာ မဟုတ်ဘူးလား?
သူ ဖောက်ပြန်သွားတာထက် ပိုကြောက်စရာကောင်းတာကတော့ တစ်ဖက်လူရဲ့ ခေါင်းကို မှန်းလို့မရတဲ့ အကြောင်းပြချက်တစ်ခုနဲ့ သွားရိုက်ခွဲလိုက်ခြင်းပါပဲ။
ငါ့အရင်စန္ဒယားဆရာရဲ့ ခေါင်းကို သူ ရိုက်ခွဲခဲ့ဖူးတယ်။ အဲဒီ့အချိန်တုန်းက တစ်နေ့နေ့မှာ သူ ငါ့ကို ရိုက်သတ်ပစ်လိုက်မှာကို ငါ ပိုကြောက်သွားမိတယ်။ ဒီလိုကိစ္စမျိုးက ပြောဖို့ခက်တယ်လေ။
နှုတ်ဆက်ပါတယ်, ငါ့ရဲ့ ၈ လသားကြောင်လေးရေ။
၈ လသားကြောင်လေးထက် သေချာပေါက် ပိုအရေးကြီးတာကတော့ သူ တံခါးဖွင့်လိုက်တဲ့အချိန်မှာ ငါက တံခါးဝမှာ ထိုင်ပြီးတော့ ဖိနပ်ကို အရောင်တင်နေတာပဲ။
အဲဒီ့အချိန်မှာ သူနဲ့ငါက တစ်ယောက်ကိုတစ်ယောက် စိုက်ကြည့်နေခဲ့ကြပြီး ငါတို့နှစ်ယောက်စလုံး အနည်းငယ်နေလို့အဆင်မပြေဖြစ်နေကြတယ်။ အင်း, ပိုပြီးအဆင်မပြေဖြစ်တဲ့သူကတော့ ငါပေါ့။ ရှက်စရာကောင်းတယ်ဆိုပေမယ့် ငါ့မှာ အကျင့်ဆိုးတွေရှိတယ်။ ဥပမာအားဖြင့်, ငါက အိမ်မှုကိစ္စအလုပ်တွေကို လုပ်ရတာသဘောမကျဘူးဆိုရင် အဲ့ဒါတွေကို မလုပ်ရဖို့အတွက် အကြောင်းပြချက်တွေပေးပြီး ကျောင်းကုန်းဇီကို အစားလုပ်ခိုင်းလိုက်တယ်။ ငါက ဖိနပ်အရောင်တင်ဆေးနဲ့ ဓါတ်မတည့်ဘူးလို့ သူ့ကို ပြောခဲ့ဖူးတယ်ထင်တယ်။ သူက မနက်ဖြန်နေ့လည်မှ ပြန်လာမယ်လို့ပြောထားတာဖြစ်ပြီး မနက်ဖြန်မနက်ကျရင် ငါက ငါ့ရဲ့ခွေးလေးဟမ်းကို သွားတွေ့ဖို့အတွက် ကျင်းရှန့်အိမ်ကို သွားမယ်ဆိုတာကို သူ့ကို ပြောဖို့မေ့သွားခဲ့တယ်။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
